вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Спортчи оилалар баҳси

30.07.2014 18:19:58

Яқинда Навоий олимпия захиралари коллежида "Соғлом оила" шиори остида "Отам, онам ва мен — спортчи оила" мусобақаси ўтказилди.

Унда мусобақанинг туман, шаҳар босқичларида ғолибликни қўлга киритган ўнта жамоа иштирок этди. Барча шартларни аъло даражада бажарган, Навбаҳор туманида истиқомат қилувчи Шаҳриддин Қудратов оиласи мусобақа ғолиби бўлди. Иккинчи ўрин Конимех туманидан Фарҳод Рамазонов оиласига, учинчи ўрин эса Кармана туманида яшовчи УчқунҚурбоновлар оиласига насиб этди.

— Мусобақада 10 ёшли фарзандларим Ҳасан-Ҳусан ва рафиқам билан иштирок этаяпмиз, — дейди зарафшонлик Саидкарим Шодиев. — Менинг ўзим ёшлигимдан спортга қизиққаним сабабли фарзандларимни ҳам қайсидир спорт тури билан шуғулланишини истардим. Мана, бугун оилавий спортчимиз. Ўғилларимнинг мактабда аъло баҳоларга ўқиши ва фаолликларини ҳам жисмонан соғлом бўлиб улғаяётганлигида, деб биламан. Бугунги кўтаринки руҳда ўтказилган мусобақа ташкилотчиларига ўз миннатдорчилигимни билдирмоқчиман.