вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Спорт юлдузи бўлсам...

25.07.2017 17:25:11

Киши ёшликда нимани орзу қилса, келажакда тақдир уни шу ниятига етказади, дейдилар. Мен "Зармитан" МФЙ ҳудудидаги Работ қишлоғида туғилиб, вояга етдим. 13 ёшимдан спортнинг миллий кураш тури билан шуғулланишни бошладим. Амаким Орзиқул Йўлдошев ёшлигимдан ўзи билан бирга кураш машғулотларига олиб борарди. 6-синфдалигимда вилоятимизда ўтказилган кураш мусобақасининг Республика босқичида 1-ўринни олдим. Кейинчалик 9-синфни битириб, 2007 йилда Бухоро олимпия захиралари коллежига ўқишга кирдим. Коллежда ўқиб, самбо бўйича Ўзбекистон чемпиони бўлдим. Ўша йилнинг ўзида ушбу спорт тури бўйича ўтказилган Осиё чемпионатида фахрли 3-ўринни қўлга киритдим. Бу ўзимга бўлган ишончимни мустаҳкамлади. 2010 йилда миллий кураш бўйича Ўзбекистон чемпионатида 1-ўрин насиб этди ва жаҳон чемпионатига йўлланма олдим. Ҳеч қанча фурсат ўтмай, Ҳиндистоннинг Деҳли шаҳрида бўлиб ўтган жаҳон чемпионатида 57 килограмм вазн тоифасида фахрли 3-ўринни эгалладим. Халқаро спорт устаси, деган шарафли ном мендек оддий ўзбек қизига насиб этди. Шу йили коллежни битирдим, менга миллий кураш бўйича мураббий дипломи берилди. Мана 14 йилдан буён спортга меҳр қўйиб, шуғулланмоқдаман.

Ютуқларимда устозларим Комил Юсупов, Шавкат Баротов ва Орзиқул Йўлдошевнинг жонкуярлиги, меҳри ва меҳнатлари маҳсулини кўраман.

Дилдора ҲАЛИМОВА.

Манбаа: dustlikbayrogi.uz