вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
05.08.2016 12:27:53
Мамлакатимизда кичик бизнес ва хусусий тадбиркорликка кенг йўл очилгани хорижий инвестицияларнинг фаол жалб этилишига, пировардида ишлаб чиқариш ҳажми ошишига замин яратмоқда. Конимех туманида ҳам бу борада бир қанча ишлар амалга оширилмоқда. Жумладан, "Қизилқумполипропилен" МЧЖ ҳузуридаги халта ишлаб чиқариш цехи 2007 йилдан буён фаолият кўрсатиб келади. Бугунги кунда бу ерда бир кунда 6-7 мингтага яқин полипропилен қоплар тайёрланмоқда.
Цехга кириб борганимизда ишчи-ходимларни қизғин иш жараёни устида учратдик. Уларнинг аксариятини хотин-қизлар ташкил қилади. Йигирма иккита тўқиш дастгоҳида рулон ўрайдиган, тайёр халтани кесиб тикувчи қизларга узатадиган аёлларнинг шаштига, ўзига берилган вазифани сидқидилдан чаққонлик билан, ҳормай-толмай бажараётганига қараб завқингиз келади.
— Технологиялар Хитойдан келтирилган, — дейди биз билан суҳбатда МЧЖ ижрочи директори Атоқул Бобоқулов. — Қоплар учун зарур хомашё бўлган полипропилен грануласи Туркманистон ва Россия давлатларидан олиб келинади. Тайёр халталарни саноат корхоналари билан шартномага кўра, сотувини йўлга қўйганмиз. 25 нафардан ортиқ ишчимиз бор. Кўпчилиги коллежни битирган ёшлар, қизлар. Улар учун етарли шароит яратишга ҳаракат қилганмиз. Жумладан, ҳар кун бир маҳал иссиқ овқат тарқатилади. Ойлик маошларини вақтида берамиз. Шунингдек, узоқ ҳудуддан қатнайдиганлар учун транспорт ажратилган.
Бир қараганда осон тайёр бўлгандек кўринадиган халталар харид ҳолатига келгунча бир қанча босқичлардан ўтади. Охирги иш эса тикувчи хотин-қизлар томонидан бажарилади. Гулбаҳор Мавлонова, Гулбану Каримова, Малоҳат Сувонова, Ихтиёр Қудратов, Феруза Турсунова, Нодира Исломовалар цехнинг тажрибали ишчиларидан саналади. Уларга янги ишга қабул қилинган ёш йигит-қизлар шогирд сифатида бириктирилади.
— Бу ерда олти йилдан буён тўқувчи вазифасида ишлаб келаяпман, — дейди ёш ишчилардан Гулруҳ Содиқова. — Ишим ўзимга жуда ёқади. Аввалига ўрганишим бироз қийин бўлганди. Кейинчалик устозим Г. Мавлонова, Г. Каримоваларнинг тавсияси, маслаҳатлари билан кўп нарсани билиб олдим. Ҳозир ишимни завқ билан бажараман. Тенгдош қизлар билан тайёр бўлган халталарни кўриб, хурсанд бўламиз. Бу бизнинг меҳнатимиз ҳосили. Фойдали иш билан бандлигимиз, юртимизнинг иқтисодий ривожига ҳисса қўшаётганимиздан фахрланамиз.
"Қизилқумполипропилен" МЧЖ ҳузуридаги цех келгусида ишлаб чиқариш ҳажмини янада кенгайтириб, экспортбоп маҳсулотлар яратаётган корхоналар қаторидан мустаҳкам жой олишига умид қиламиз. Бу учун уларда имконият, шижоат, интилиш етарли. Излаганнинг эса имкон топишига шубҳа йўқ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а