вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Шинам уйларда байрам шодиёналари

10.09.2018 17:57:27

Юртимизда аҳолини уй-жой билан таъминлаш, замон талабларига тўла жавоб берадиган кўп қаватли уйлар бунёд этишга катта эътибор қаратилмоқда. Бунда кам таъминланган оилаларга мўлжалланган арзон уй-жойлар қурилиши ҳам назардан четда қолаётгани йўқ.

30 август куни Навоий шаҳри 18-кичик тумани Толстой кўчасида 7 қаватли, ҳар бири 42 хонадонли бўлган 10 та кўп қаватли турар-жой бинолари фойдаланишга топширилди. "151-ҚМП" ва "Темур Малик" масъулияти чекланган жамиятлари бунёдкорларининг меҳнати туфайли қисқа муддатда қуриб битказилган объектларнинг очилиш маросимида вилоят ҳокими, сенатор Қ. Турсунов иштирок этиб, хонадон эгаларига калитларни тантанали равишда топширди.

— Биз 3 хонали уйнинг соҳиби бўлдик, — дейди фуқаро Ш. Барноев. — 20 йил муддатга 165 миллион сўмга имтиёзли равишда ушбу турар-жой берилгани оиламиз учун ҳар жиҳатдан қулай бўлди. Оладиган ойлик-маошимиз ҳисобига уни қийналмасдан ўз вақтида тўлаймиз. Бундай имкониятларга мустақиллик туфайли эришдик.

Шунингдек, шаҳарнинг Маҳмуд Торобий кўчасида ҳам 2 та 5 қаватли турар-жой биноларининг эгаларига топшириш маросими аҳоли учун байрамга муносиб туҳфа бўлди. "Жозибали қурилиш сервис" МЧЖ қурувчилари томонидан қурилган ушбу маскан шаҳар кўркига кўрк қўшиб, барчада ҳавас уйғотмоқда.