вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

САМАРА ВА ОРЕНБУРГДАН ФУҚАРОЛАРНИ ПОЕЗДЛАР ОРҚАЛИ ҚАЙТАРИШ БОШЛАНДИ

07.08.2020 11:38:00

Бугун Ўзбекистон Республикаси фуқароларини Россия – Қозоғистон давлат чегарасидан ўтказиш масаласи бўйича Республика махсус комиссияси ҳамда Россия ва Қозоғистон томони билан келишувга биноан, Ўзбекистон фуқароларини йўловчи поездлари орқали олиб келиш жараёни бошланди. Бу ҳақда "Ўзбекистон темир йўллари" АЖ матбуот хзимати хабар берди.

Тошкент – Бузулук – Тошкент йўналишидаги поезд 918 нафар йўловчи билан бугун тунда Ўзбекистон томон йўлга чиқади.

Тошкент – Кинель – Тошкент йўналишидаги поезд эса 7 август куни 918 нафар йўловчи билан тушдан сўнг Ватанимиз томон ҳаракатланишни бошлайди.

Поезд чипталари фақат Ўзбекистон Республикаси фуқаролари учун Бузулук ва Кинел вокзалларида сотилди. Бузулук - Тошкент йўналишидаги чипталар нархи 1 млн 287 минг сўм (9259 рубль), Кинель - Тошкент – 1 млн 357 минг сўм (9761 рубль).

Йўл давомида йўловчи поездлар фақат техник кўрик учун тўхтатилади, яъни станция-вокзалларда йўловчиларнинг платформага тушишига рухсат этилмайди.

Поездлар Ўзбекистон Миллий гвардияси, Ички ишлар вазирлиги ва Соғлиқни сақлаш вазирлиги ходимлари кузатуви остида олиб келинади.