вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
12.06.2015 01:32:25
Юртбошимиз томонидан жорий йилнинг "Кексаларни эъзозлаш йили", деб номланиши барча нуроний отахону онахонларни қувонтирди. Уларга кўрсатилаётганғамхўрлик, ҳурмат-эътиборнинг ошиши мамлакатимизда қариялар ҳамиша эъзозда эканлигининг ёрқин исботидир. Конимех тумани, "Бирлик" маҳалла фуқаролар йиғинида истиқомат қилиб келаётган Муҳиддин бобо Аҳмедов ҳам юртимиздаги тинч, осуда, фаровон кунларга кўз тегмасин, дея дуода бўлган нуронийлардан бири.
Муҳиддин бобо асли спортчи. Ҳозирда саксон ёшни қарши олган бўлсалар-да, дадил-дадил гапларидан спортчиларга хос бўлган ғайрат-шижоат, қатъийлик ҳамон тарк этмаганини сезиш қийин эмас. М. Аҳмедов Тошкент давлат педагогика университетининг жисмоний тарбия факультетида таҳсилни тугатгач, озроқ вақт Бухорода енгил атлетика спорт тури бўйича мураббийлик қилди. Кейин эса йўлланма билан Андижон вилоятига юборилди. Бу ерда ёш мутахассис водий спорт мактаб-интернатида енгил атлетикадан катта мураббий лавозимида иш фаолиятини бошлади. М. Аҳмедов Андижондаги йигирма беш йиллик меҳнати давомида от спорти билан ҳам шуғулланиб, "От клуби" раҳбари сифатида иш олиб борди. Бу орада оилали бўлди. Турмуш ўртоғи, ўқитувчи Каромат ая Сотиболдиева билан беш нафар фарзандни оқ ювиб, оқ таради. 1985 йили эса Конимехга қайтишди. М. Аҳмедов яна узоқ йиллар мураббийлик қилиб, ёш авлодга енгил атлетика бўйича бор билганларини ўргатди. Конимехдаги БЎСМда илмий ишлар бўйича директор ўринбори бўлди. Бугунги кунда у кишининг етмишдан ортиқ шогирдлари бор. Улар турли мусобақа ва турнирлар ғолиби. М. Аҳмедов Юнус Орипов, Генерал Қосимов сингари шогирдлари билан фахрланишини айтади. Қувонарлиси, М. Аҳмедов саксон ёшда бўлишига қарамай, спортдан узоқлашмаган. Доимий ҳаракатда бўлиш бобонинг кундалик ҳаёт тарзига айланиб улгурган.
— Йигит-қизларимизнинг спорт билан шуғулланиши учун қандай зўр имкониятлар яратилган ҳозир, — дейди биз билан суҳбатда отахон. — Чекка туман ёшларидан ҳам чемпионлар етишиб чиқаяпти. Қайси ҳудудда бўлмасин, ёшлар ўзлари истаган спорт тури билан машғуллиги уларни ғолиблик шоҳсупасига бошламоқда. Бундан қандай фахрланмаслик мумкин?
Муҳиддин бобо набираларига "Кексайганингда ҳам одамларга яхшилик қила олсанг, бундан аввало, ўзинг хурсанд бўласан, умрингга мазмун қўшилади", деб таъкидлайди. Гарчи саксон ёшда бўлса-да, тиниб-тинчимайдиган, ўзгаларга эзгулик улашишни мақсад қилган отахонга қараб, ҳавасимиз келди. Бундай пиру бадавлат нуронийларнинг умри узоқ бўлсин, дея дилдан ният қилдик.
Зулфия БОБОЕВА.
Манбаа: navoiypress.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а