вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
24.03.2015 21:02:33
Маълумки, мамлакатимизда муҳим сиёсий жараён, Ўзбекистон Республикаси Президенти сайловини очиқ-ошкора, демократик тамойиллар асосида ўтказишга жиддий ҳозирлик кўрилмоқда. Бу борада Ўзбекистон Республикасининг "Ўзбекистон Республикаси Президенти сайлови тўғрисида"ги Қонуни муҳим дастуриламал бўлиб хизмат қилаяпти.
Мазкур меъёрий ҳужжат талаблари, қолаверса, Республика Марказий сайлов комиссияси кўрсатмаларидан келиб чиқиб, 5-Навоий округ сайлов комиссияси ҳузурида Матбуот маркази ташкил этилган эди. Шу кунга қадар Матбуот маркази томонидан муайян ишлар амалга оширилди. Хусусан, марказ томонидан ОАВ билан ҳамкорликда ишлар олиб борилмоқда. Ҳуқуқий-меъёрий ҳужжатлар, Марказий сайлов комиссияси талабларидан келиб чиқиб, сайлов жараёнларини холис ёритиш учун вилоятда фаолият олиб бораётган ОАВ ходимлари ушбу муҳим жараёнга жалб этилиб, улар округ сайлов комиссияси қарорига мувофиқ, рўйхатга олинди.
Шу кунга қадар журналистлар томонидан доимий равишда сайловга тайёргарлик жараёни билан аҳоли мақола ва лавҳалари орқали хабардор этиб борилмоқда.
Дарҳақиқат, сайлов кампаниясига кўрилаётган ҳозирлик жараёни босма оммавий нашрлар, хусусан, вилоят телерадиокомпаниясининг "Дахлдорлик туйғуси", "Сайлов — демократия кўзгуси" сингари кўрсатув ва радиоэшиттиришлари дастурларида мунтазам ёритилаяпти. Жумладан, округ сайлов комиссияси томонидан уюштирилган брифинг, матбуот конференциялари, Марказий сайлов комиссияси ташкил этган онлайн тарзидаги видеоселектор, бир қатор семинар-тренинглар моҳияти кенг жамоатчиликка етказиб борилаяпти.
"Ўзбекистон Республикаси Президенти сайлови тўғрисида"ги Ўзбекистон Республикаси Қонунининг 28-моддасига асосан, Ўзбекистон Республикаси Президентлигига номзодларга сайловолди ташвиқоти даврида тенг шарт-шароитлар яратиш мақсадида, 2015 йил 16 февралида 5-Навоий округ сайлов комиссиясининг қарори қабул қилинди. Унга мувофиқ, Ўзбекистон Республикаси Президентлигига номзодларга вилоят телерадиокомпаниясида 180 дақиқа эфир вақти, "Дўстлик байроғи" ва "Знамя дружбы" газеталарида 5 саҳифа нашр майдони ажратилиши қайд этилди. Шу кунга қадарЎзбекистон Республикаси Президентлигига номзодларнинг барчаси Навоий вилоятига ташриф буюриб, сайловчилар билан учрашувлар ўтказишди, сайловолди ташвиқоти тадбирларини амалга оширишди. Ушбу жараёнлар вилоят марказий босма нашрида, хусусан, вилоят телерадиокомпаниясида 30 дақиқали махсус кўрсатув, "Диёр", "Ахборот" ва "Давр" информацион дастурларида 2 дақиқали ҳажмда, яъни тенг тақсимланган ҳолда атрофлича ёритилди.
Бундан ташқари, бугунги кунда вилоят телерадиокомпанияси эфирида ўзбек ва рус тилида тайёрланган "29 март — Ўзбекистон Республикаси Президенти сайлови куни", шунингдек, Президентликка номзодлар, уларнинг сайловолди дастурларини тарғиб этувчи, овоз бериш тартиби, муддатидан олдин овоз бериш жараёнлари акс этган роликлар белгиланган тартибга қатъий амал қилинган ҳолда, мунтазам равишда бериб борилмоқда. Ушбу роликлар вилоят маркази – Навоий шаҳридаги иккита электрон мониторга ҳам жойлаштирилган бўлиб, бу кенг жамоатчиликни Ўзбекистон Республикаси Президентлигига сайловлар масаласида доимий равишда хабардор этиб боришга хизмат қилмоқда.
Хулоса ўрнида айтганда, вилоят миқёсида Ўзбекистон Республикаси Президенти сайловига тайёргарлик, уни очиқ ва ошкора, демократик тамойиллар, мавжуд ҳуқуқий-меъёрий ҳужжатлар асосида ўтказиш, хусусан, ушбу жараёнлардан кенг жамоатчиликни ўз вақтида хабардор этиб боришда ОАВнинг барча имкониятларидан кенг фойдаланилаяпти. Бу сайловнинг қонун талаблари асосида ўтиши баробарида, мамлакатимизда сайлов қонунчилиги тўла-тўкис амалиётга татбиқ этилишига хизмат қилиши шубҳасиз.
Ҳамидулло ҚАРЧИFАЕВ,
5-Навоий сайлов округи Матбуот маркази раҳбари.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а