вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Режа ва мақсадлар йўлида...

26.05.2017 16:41:45

Вилоятимизда фаолият юритаётган 1413 та корхонада 1536 турдаги маҳсулотлар ишлаб чиқарилаётир. Бу жамоаларда машинасозлик, озиқ-овқат, электротехника, қурилиш, кимё, енгил саноат, тоғ-кон саноати маҳсулотлари, тиббий-техника воситалари ишлаб чиқарилса, 183 та корхона томонидан маиший ҳамда сервис хизматлари кўрсатилади.

Марказнинг ўлчаш воситалари устидан давлат метрологик назорати бўлими томонидан вилоятдаги хўжалик юритувчи субъектлар фаолияти ўрганилиб, ҳар йили ўлчов воситалари картаси тузилади. Жорий йилги таҳлилларга таянадиган бўлсак, айни кунда вилоят бўйича 512 минг 207 та турли ўлчаш воситаси мавжуд бўлиб, шундан 445 минг 907 тасини мажбурий қиёсловдан ўтиши лозим бўлган ўлчаш воситаси ташкил этади. Сўнгги йилларда марказнинг моддий-техника базасини мустаҳкамлаш, хизмат кўрсатиш ҳудуди ва имкониятларини кенгайтириш мақсадида амалга оширилган фаолият туфайли натижаларимиз йилдан-йилга яхшиланиб бормоқда. Фактларга асосланадиган бўлсак, 2015 йилда 99 минг 237 та, 2016 йилда эса 120 минг 867 та турли ўлчов воситаси қиёслашдан ўтказилган, бу кўрсаткич жорий йил охиригача 145 минг 310 донага етказилиши режалаштирилган.

Ҳозирги вақтда тадбиркорларга янада қулай шароит яратиш мақсадида марказ томонидан вилоятда мавжуд корхоналар ўрганиб чиқилиб, 2017 йилга мўлжалланган Бизнес-режа ишлаб чиқилган. Унга асосан, жорий йилда машинасозлик маҳсулотларини синовдан ўтказишни вилоятнинг ўзида амалга ошириш учун синов лабораторияси ташкил этиш режалаштирилди.

Йўлчи РЎЗИЕВ,

Навоий Синов ва сертификатлаштириш ДК ЎВУСДТ

бўлими мутахассиси.

Манбаа: dustlikbayrogi.uz