вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Республикада биринчи

28.02.2017 15:22:45

"Кимёгар" ўйингоҳи спорт залида "Халқ билан мулоқот ва инсон манфаатлари йили"га бағишлаб 2002-2003, 2004-2005 йилларда туғилган болалар ўртасида спортнинг мини футбол тури бўйича республика турнири бўлиб ўтди. Унда мамлакатимиз бўйлаб 16 та жамоа майдонга тушди.

Қизғин ва муросасиз руҳда ўтган ўйинларда вилоятимиз шарафини болалар ва ўсмирлар футбол мактабининг "Қизилқум" ҳамда 1-сонли БЎСМ жамоалари вакиллари муносиб равишда ҳимоя қилишди. Финал ўйинига етиб келган "Қизилқум" ҳал қилувчи баҳсда Жиззах вилояти жамоасини 2:1 ҳисобида мағлуб этиб, катталар ўртасида ғолибликни қўлга киритди. 2004-2005 йиллар ўртасидаги ўйинларда 1-сонли БЎСМ шуғулланувчиларининг қўли баланд келди. Улар финалда қўшни вилоят — самарқандликлардан йирик 4:2 ҳисобида устун келиб, ўзларига билдирилган ишончни тўла оқлашди. Бухоро вилояти жамоаси катталар ва кичиклар ўртасида ҳам учинчи ўрин билан кифояланди.

Зулфия БОБОЕВА.