вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
13.09.2014 18:04:56
Навоий шаҳридаги 1-давлат ихтисослаштирилган умумтаълим мактабида вилоят халқ таълими тизими ходимларининг анъанавий Август кенгаши ялпи йиғилиши бўлиб ўтди. Унда вилоят ҳокими ўринбосари, вилоят хотин-қизлар қўмитаси раиси Анора Бобомуродова, вилоят халқ таълими бошқармаси бошлиғи вазифасини вақтинча бажарувчи Ойдин Раҳмонов, вилоят прокурори катта ёрдамчиси Асқар Сувонов ҳамда шаҳар-туманлар ХТМФМТТЭБ мудирлари, ўқитувчи ва методистлар иштирок этди.
Анжуманда ёш авлоднинг ҳар томонлама баркамол бўлиб вояга етишишида ўқитувчиларнинг меҳнати бисёрлиги таъкидланди. 2013-2014 ўқув йилида вилоят халқ таълими ходимларининг эришган ютуқлари фахр билан тилга олинди.
— Таълим тизимига берилаётган эътиборнинг йилдан-йилга ошиб бораётганлиги янги қурилаётган мактаблар мисолида ҳам намоён бўлади, — дейди биз билан суҳбатда Навбаҳор туман ХТМФМТТЭБ мудираси Гулмира Элова. — Мустақиллигимизнинг йигирма уч йиллиги муносабати билан тумандаги 21-, 14-мактаблар капитал реконструкция қилиниб, замонавий кўринишга келтирилди. 13-мактабда эса янги спорт зал фойдаланишга топширилмоқда.
— Чет тилларни ўрганиш оммалашиб бораётганидан хурсанд бўламан, — дейди яна бир суҳбатдошимиз, Қизилтепа туман ХТМФМТТЭБ мудираси Раъно Аслонова. — Жумладан, туманимиздаги 9-мактаб немис тили, 26-мактаб эса инглиз тили фани бўйича таянч мактабларга айлантирилиб, республика миқёсидаги семинарлар ўтказиб келинмоқда. Ўқувчиларимизнинг чет тили фанларини мукаммал ва чуқур ўрганишларида бунинг самараси бўлишига ишонаман.
Анжуманда янги 2014-2015 ўқув йилида бажарилиши лозим бўлган долзарб масалалар бўйича сўз юритилди. Тадбир сўнггида бир қатор ютуқларни қўлга киритиб келаётган мактаб, МТМ раҳбарлари ва ўқитувчилар ташаккурномалар ҳамда эсдалик совғалари билан тақдирланишди.
З. БОБОЕВА.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а