вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Оромгоҳларда биринчи мавсум иш бошлади

17.06.2017 14:48:06

Жорий йилда вилоятимизда 12 та стационар ва 25 та кундузги оромгоҳ болажонларни ёзги таътилда мириқиб дам олишлари учун ўз фаолиятини юрита бошлади.

— Оромгоҳларда жами 16 минг 287 нафар бола гуруҳларга бўлинган ҳолда соғломлаштирилиши кўзда тутилган, — дейди вилоят касаба уюшмалари ташкилотлари бирлашмаси маданий, маърифий ва спорт ишлари бўлими мудири Норимхол Нурмонова. — Бу вилоят мактабларининг 1-7-синфларида таълим олаётган 7-14 ёшгача бўлган ўқувчилар сонига нисбатан 14,5 фоизни ташкил этади. Шунингдек, вилоят ўрта махсус, касб-ҳунар таълими бошқармаси томонидан шаҳар ва туман ҳокимликлари билан биргаликда коллеж ўқувчиларини ишлаб чиқариш амалиётига қабул қиладиган 10 та корхона ва ташкилотда иш берувчилар билан ҳамкорликда "Меҳнат ва дам олиш" оромгоҳлари ташкил этилди. Уларда 416 нафар ўсмирнинг дам олиши таъминланади.

Дам олиш онларининг янада қизиқарли, кўнгилдагидек, энг муҳими, тинч, хавфсиз ўтиши учун етарли шароитлар яратилгани барчага хотиржамлик бағишламоқда. Мавсумга малакали педагоглар, тиббиёт, ИИБ ходимлари, спорт ва сузиш бўйича йўриқчилар, кутубхоначилар ҳамда мусиқа раҳбарлари жалб этилган бўлиб, улар аллақачон ўз вазифаларини адо этишга киришишган. Бундан айниқса, фарзандларини маълум муддат ишончли қўлларга топширган ота-оналар жуда мамнун.

— Ўғлимиз Азизбекни НКМК тасарруфидаги "Болажон" оромгоҳига юбордик, — дейди Навоий шаҳрида истиқомат қилувчи Fолиб Севаров. — Устозлари орқали у билан телефонда гаплашдик. Ўғлимиз оромгоҳда яйраб дам олаётгани, турли ўйинлар ўйнаётгани, ўз вақтида мазали овқатлар берилаётганини айтди. Оромгоҳларда болажонларимизнинг кўнгилдагидек дам олишларини таъминлаётган барча ташкилотлардан миннатдормиз.

Маълумот ўрнида айтиш керакки, жорий йилда Зарафшон ва Навоий шаҳарларидаги "Меҳрибонлик уйи" тарбияланувчиларидан 100 нафари "Қизилқумцемент" АЖ тасарруфидаги "Шабода" оромгоҳида соғломлаштирилиши режалаштирилган. НКМК тасарруфидаги "Зарафшон" оромгоҳи ҳам Томди, Учқудуқ, Конимех, Нурота туманларидаги кўп болали, кам таъминланган оилаларнинг 500 нафар фарзандини қучоқ очиб, қарши олмоқда. "Нимкон", "Дўстлик" ва "Ишонч" оромгоҳларида кам таъминланган ва ижтимоий ҳимояга муҳтож оилаларнинг 50 нафар фарзанди "Маҳалла" хайрия жамоат фонди вилоят бўлими маблағлари ҳисобидан бепул соғломлаштирилмоқда.

Ёш авлодни ҳар томонлама баркамол бўлиб улғайишида соғломлаштириш оромгоҳларининг ўрни беқиёс эканлиги, шубҳасиз.

З. СОЙИБНАЗАРОВА.

Манбаа: dustlikbayrogi.uz