вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Опа-сингил чемпионлар

19.08.2015 18:29:03

Опа-сингил Шаҳзода ва Шоҳсанам Эркиновалар каратэнинг комбат айкидо тури билан бир неча йилдан бери шуғулланиб келишади. Ўн етти ёшли Шаҳзода саккиз карра Ўзбекистон чемпиони бўлса, Шоҳсанам бу номга ўн беш марта сазовор бўлган.

Шоҳсанам тумандаги 5-мактабнинг 8-синф ўқувчиси. Тиришқоқлиги уни мусобақаларда ғалаба сари бошлайди. Беш йилдан буён спортнинг каратэ турида қўлга киритган ютуқлари ўзига бўлган талабчанлиги, машғулотларни канда қилмаслигидан. Шаҳзода ҳам интилувчанлик, эпчилликда ҳавас қилса арзигулик. Опа-сингил республика миқёсида қатор мусобақалар совриндорлари. Қувонарлиси, улар жорий йил Тошкентда бўлиб ўтган халқаро турнирда ўз вазн тоифасида 1-ўринни эгаллашди. Бу ғалаба Шоҳсанамга Ҳиндистонда, Шаҳзодага эса Таиландда бўлиб ўтадиган халқаро мусобақада қатнашиш йўлланмасини ҳадя этди.

— Бу қизларда ғалабага бўлган кучли интилиш бор, — дейди уларнинг мураббийиҲусниддин Тўраев. — Аслида, каратэнинг комбат айкидо тури ҳам қўлда, ҳам оёқда куч мустаҳкам бўлишини талаб этади. Спортчи бунда ғалаба қозониши учун кўп меҳнат қилиши керак.

Каратэчи қизларнинг онаси, туман бадиий гимнастика федерацияси ижрочи директори, "Чўл гули" МТМ мудираси Дилшода Хидирова фарзандларининг спортчи эканидан фахрланади. Шунингдек, доимо уларни қўллаб-қувватлаб келади.

— Орзуимиз халқаро тоифадаги спорт устаси, мураббий бўлиш, Осиё чемпионатларида Ўзбекистон шарафини муносиб ҳимоя қилиш. Бу биз учун шарафли мақсад, — дейди Шаҳзода ва Шоҳсанам Эркиновалар.

Юрт шаънини ҳимоя қилишга аҳд қилган опа-сингил спортчи қизларга бу йўлда омад ва зафар ёр бўлишини тилаб қоламиз.

Розия ДАВЛАТОВА.

Манбаа: dustlikbayrogi.uz