Navoi.uz

вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Мамлакатимизда хусусий мулк эгалари – якка тадбиркорлар, хусусий корхоналар, фермер хўжаликлари иқтисодиётни ривожлантиришига муносиб ҳиссаларини қўшиб келмоқда.
Юртимизда амалга оширилаётган иқтисодий ва ижтимоий соҳадаги ислоҳотлар тадбиркорлик субъектларига ўз фаолиятларини ривожлантириш учун ишончли имкониятлар яратиб бермоқда. Бугун тадбиркор учун мамлакатимизда барча эшиклар, барча йўллар очиқ десак янглишмаймиз.
Бу соҳадаги ишлаб чиқилаётган норматив-ҳуқуқий ҳужжат лойиҳаси ёки қабул қилинган норматив-ҳуқуқий ҳужжатларнинг мукаммал бўлиши ва уларнинг тадбиркорлик фаолиятига таъсирини баҳолаш тизимини янада такомиллаштириш мақсадида 2014 йил 2 декабрь куни Ўзбекистон Республикаси Вазирлар Маҳкамасининг “Қонун ҳужжатларининг тадбиркорлик фаолиятига таъсирини баҳолаш тизимини жорий этиш чора-тадбирлари тўғрисида”ги қарори қабул қилинди.
Мазкур қарорга мувофиқ 2015 йил 1 январдан бошлаб тадбиркорлик фаолиятини амалга оширишга таъсир этадиган ишлаб чиқилаётган норматив-ҳуқуқий ҳужжатлар давлат ва хўжалик бошқаруви органлари, маҳаллий давлат ҳокимияти органлари томонидан Ўзбекистон Республикасининг Интерактив давлат хизматлари ягона порталида муҳокама қилиш ва тадбиркорлик фаолиятига таъсирини баҳолаш учун жойлаштирилиши ва муҳокама иштирокчилари томонидан берилган таклифлар тегишли лойиҳа ва қабул қилинган норматив-ҳуқуқий ҳужжатни ишлаб чиқарувчилар томонидан кўриб чиқилиши шартлиги белгилаб қўйилди.
Шунингдек, мазкур қарор билан “Ишлаб чиқарилаётган норматив-ҳуқуқий ҳужжатлар лойиҳаларининг ва қабул қилинган норматив-ҳуқуқий ҳужжатларнинг тадбиркорлик фаолиятига таъсирини Ўзбекистон Республикаси Интерактив давлат хизматлари ягона портал орқали баҳолаш тартиби тўғрисида”ги Низом тасдиқланди.
Ушбу Низомда муаммони, уни тартибга солишнинг мақсади ва мавжуд ечимини таҳлил қилиш орқали норматив-ҳуқуқий ҳужжатни қабул қилишда вужудга келиши мумкин бўлган ижобий ва салбий оқибатларни, ҳужжатда давлат ҳокимияти ва бошқарув органлари тизимида коррупция ва бошқа ҳуқуқбузарликлар содир этилиши учун шароит яратадиган, тадбиркорлик субъектлари учун ортиқча маъмурий ҳамда бошқа чекловларни жорий этадиган ёки жорий этишга шароит яратадиган қоидаларни, тадбиркорлик субъектларида асоссиз харажатлар пайдо бўлишига олиб келувчи қоидаларни аниқлаш мақсадлари белгилаб берилган.
Ишлаб чиқилаётган норматив-ҳуқуқий ҳужжат лойиҳасининг муҳокамаси унинг манфаатдор вазирликлар ва идоралар билан келишиш жараёни бошланишидан олдин – мажбурий тарзда, қабул қилинган норматив-ҳуқуқий ҳужжат муҳокамаси эса – у кучга киргандан сўнг камида бир йилдан кейин ўтказилади. Бу даврда қабул қилинган ҳужжатнинг тадбиркорлик фаолиятига ижобий ёки салбий таъсири, унинг камчиликлари ёхуд унга киритилиши лозим бўлган ўзгартириш, қўшимчалар аниқланади.
Бунинг учун ягона порталда муҳокама ўтказиш ҳақидаги хабар, жадвал, ҳужжат лойиҳаси ёки қабул қилинган норматив-ҳуқуқий ҳужжат, шунингдек, муҳокама иштирокчилари учун сўровнома жойлаштиради.
Ишлаб чиқувчилар муҳокама иштирокчиларидан тушган таклифларни умумлаштиради ва қабул қилинганлиги тўғрисидаги тегишли маълумотларни, агар рад этилган бўлса, асослантирилган сабабини ягона порталда жойлаштиради. Қайта ишланган ҳужжат лойиҳаси эса ягона порталга қайта жойлаштирилиб, манфаатдор вазирликларга ва идораларга белгиланган тартибда келишиш учун юборилади.
Шунингдек, қабул қилинган норматив-ҳуқуқий ҳужжатлар бўйича муҳокама иштирокчиларининг таклифлари инобатга олиниб, ҳужжатга ўзгартириш ва қўшимчалар киритиш бўйича лойиҳа ишлаб чиқилади.
Ишлаб чиқилаётган норматив-ҳуқуқий ҳужжат лойиҳаси ёки қабул қилинган норматив-ҳуқуқий ҳужжат бўйича ўтказилган муҳокама материаллари, шу жумладан, улар бўйича келиб тушган таклифлар, муҳокама тугаганидан сўнг 3 йил мобайнида ягона порталда сақланади ва чекланмаган доирада танишиб чиқиш учун очиқ бўлади.

Комилжон ДЖУМАЕВ,
1-сон Давлат нотариал идораси нотариуси,
Матлуба ЖУМАЕВА,
4-сон Давлат нотариал идораси нотариуси.

Кўрилганлар сони: 7069