вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Олис манзилларни кўзлаган парвозлар

03.10.2017 15:11:09

Мустақиллик йилларида Тошкент, Самарқанд, Бухоро, Урганч, Фарғона ва Навоий шаҳарлари аэропортлари модернизация қилинди ва бугунги кунда Ўзбекистонда 11 та халқаро аэропорт фаолият юритмоқда. Ушбу аэропортлардан замонавий самолётлар орқали Европа, Осиё, Яқин Шарқ ва Шимолий Американинг 50 дан ортиқ шаҳарларига мунтазам парвозлар амалга оширилмоқда.

Муҳими, йўловчиларга хизмат кўрсатиш кўлами ва сифатини оширишга эришилаяпти. Буни "Навоий" халқаро аэропорти мисолида ҳам кўрсатиш мумкин. Унда йўловчи ташиш ва юк терминаллари куну тун фаолият юритиб келмоқда. Йўловчилар терминалида йилига 540 000 нафар йўловчига хизмат кўрсатмоқда. Юк ташиш ҳажми эса 100 000 тоннани ташкил этади.

Юқори технологик жиҳозлар билан таъминланган замонавий йўловчи терминалида соатига 400 нафар мижозга сифатли хизмат кўрсатиш имконияти мавжуд. Халқаро андозаларга мос равишда бу ерда VIP ҳамда CIP заллари, оналар ва болалар хонаси, тиббиёт пункти, чиптахона, валюта алмаштириш шохобчаси, почта алоқаси бўлими, "Duty free" савдо дўкони, "Sun Volley" (Oltin Vodiy) ресторани, "Полет" (Parvoz) кафеси, "Oasis" бари ишлаб турибди. Бугунги кунда Навоий заминидан юртимизнинг бошқа вилоятлари ҳамдаҲамдўстлик давлатларидаги қатор йирик шаҳарларга парвоз қилиш, юк ташиш ишларини амалга ошириш мумкин. Бундан ташқари, бу ерда бир қанча чартер рейслари ҳам ташкил этилган. Шу орқали хорижий мамлакатлардан ҳам самолётлар қабул қилинмоқда. "Навоий" аэропорти асосий туристик шаҳарлари — Бухоро ва Самарқанд шаҳарларига яқин жойлашганлиги туфайли йўловчи парвозларини ривожлантиришда муҳим омил бўлмоқда.

— Москва шаҳридан Ўзбекистон ҳаво йўллари орқали Навоий халқаро аэропортига учиб келдим, — дейди Виталий Ким. — Ҳаво кемасидаги мижозларга кўрсатилаётган хизмат юқори даражада ташкил этилган. Аэропортдаги кутиш заллари, божхона ҳужжатларни расмийлаштириш жараёнларидаги тартиб, йўловчилар учун яратилган шарт-шароитлар, хавфсизликнинг таъминланганини кўриб, фақат қойил қолиш мумкин.

Бугун халқаро аэропортга ташриф буюраётган хорижий меҳмонлардан ана шундай беғараз, беминнат эътирофларни эшитиш табиий ҳолга айланди. Аммо ютуқлар шу билан чекланиб қолмайди. Навоий халқаро аэропортини Марказий Осиёда мультимодал логистик марказга айлантириш ҳамда логистик марказ масштаблари ва географиясини кенгайтириш режалари юзасидан изланишлар олиб борилмоқда.

Ҳилола ИСМАТОВА.

Манбаа: dustlikbayrogi.uz