вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
08.10.2014 19:39:01
Истиқлол йилларида Президентимиз Ислом Каримов раҳнамолигида барча соҳаларда, жумладан, сайлов тизимида кенг кўламли демократик ислоҳотлар амалга оширилди. "Кучли давлатдан — кучли фуқаролик жамияти сари" тамойили асосида мамлакатимизни ривожлантиришнинг устувор йўналишларига, юксак демократик талаблар ва халқаро ҳуқуқ стандартларига жавоб берадиган миллий сайлов тизими шакллантирилди.
Мухбиримиз халқ депутатлари вилоят Кенгашига сайлов ўтказувчи вилоят сайлов комиссияси раиси Ш. Джураев билан сайлов қонунчилигига доир янгиликлар хусусида суҳбатлашди.
— Маълумки, 2014 йилнинг 16 апрелида "Ўзбекистон Республикаси Конституциясининг айрим моддаларига ўзгартиш ва қўшимчалар киритиш тўғрисида (32, 78, 93, 98, 103 ва 117-моддаларига)"ги Ўзбекистон Республикаси Қонуни қабул қилинди. Мазкур қонунга мувофиқ Ўзбекистон Республикаси Конституциясининг 117-моддасига киритилган тузатишлар сайлов қонунчилигини эркинлаштириш жараёнининг мантиқий давоми бўлди, десак муболаға эмас. Шу ҳақдаги фикрларингизни билмоқчи эдик.
— Асосий Қонунимизга киритилган ушбу тузатишларга мувофиқ Ўзбекистон Республикаси Марказий сайлов комиссияси бошқа ҳокимият органларининг ҳеч қандай аралашувисиз сайловларга тайёргарлик кўриш ва уларни ўтказишни таъминлайдиган давлат ҳокимияти органи тизимида алоҳида ўрин тутган конституциявий орган мақомига эга бўлди. Жаҳон ҳамжамияти тажрибасида ҳали қўлланилмаган бундай тамойил биринчи марта бизнинг мамлакатимизда жорий этилгани эътирофга лойиқ бўлиб, бу сайловларнинг демократлиги, очиқлиги ва ошкоралигини ҳар томонлама таъминлаш кафолатидир.
Қонунга мувофиқ, сайлов куни ва овоз бериш бошланишига бир кун қолганида сайловолди ташвиқотига йўл қўйилмайди. Ҳокимият вакиллик органларига сайлов тўғрисидаги қонунларга киритилган янги нормага кўра, сайловга уч кун қолганда, шунингдек, сайлов куни жамоатчилик фикри сўровлари натижалари, сайлов натижалари тахминлари, бошқа ташвиқот материаллари оммавий ахборот воситаларига, жумладан, Интернет сайтларига эълон қилинмайди. Бу сайловчиларнинг ўз хоҳиш-иродасини эркин билдиришини таъминлаш кафолатини кучайтиради.
Шунингдек, бу билан Юртбошимиз тақдим этган "Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси"да илгари сурилган сайлов қонунчилигига сайлов эркинлиги принципини тўлиқ амалга ошириш, сайловолди ташвиқотини олиб боришда депутатликка номзодлар, сиёсий партияларга тенг шарт-шароитлар яратиш, энг муҳими, ошкораликни таъминлашнинг ҳуқуқий механизмларини такомиллаштириш ғоялари ўз ҳаётий ифодасини топди.
— Миллий сайлов тизимида акс этган асосий демократик принциплар нималардан иборат?
— Мамлакатимиз сайлов тизимига оид қонун ҳужжатлари адолатлилик, очиқлик, ошкоралик ва транспарентликнинг демократик принципларига асосланган бўлиб, фуқаролар сайлов қонунчилигига сўзсиз риоя этишлари шарт. Шунингдек, сайловчиларга сайловда эркин иштирок этиш учун зарур шарт-шароитлар, депутатликка номзод кўрсатадиган сиёсий партияларга сайлов кампанияси давомида кенг ва тенг имкониятлар яратилади.
Сайлов комиссияларининг мустақиллиги ва фақат қонунга бўйсуниши қонун билан кафолатланган бўлиб, ҳокимият тузилмалари ва жамоат бирлашмалари сайлов комиссиялари фаолиятига мутлақо аралашмайдилар. Ўзбекистон Республикаси Марказий сайлов комиссияси сайловга тайёргарлик кўриш ва уни ўтказиш бўйича мутлақ ваколатларга эга бўлгани сайловни ташкил этиш ва ўтказиш жараёнида қонунийликни таъминлаш, сайловчиларнинг ўз хоҳиш-иродасини эркин ифода этиши учун зарур шарт-шароитлар яратиш омили бўлади, албатта.
Сайлов жараёнининг барча босқичларида сиёсий партиялардан кузатувчилар, ОАВ вакиллари, бошқа давлатлар, халқаро ташкилотлар ва ҳаракатлардан кузатувчилар иштирок этиши ҳам сайловларнинг очиқлиги ва ошкоралигини таъминлашга хизмат қилади, шубҳасиз.
Шунингдек, мамлакатимизда ҳокимиятнинг қонун чиқарувчи ва ижро этувчи тармоқлари фаолиятини янада демократлаштириш, сиёсий партиялар фаоллигини ошириш, демократик жамиятнинг энг муҳим таркибий қисми бўлмиш партиялараро рақобатни кучайтиришнинг ҳуқуқий асоси яратилган бўлиб, шунга мувофиқ сайловга тайёргарлик кўриш ва уни ўтказишни давлат ҳокимиятининг бошқа қайсидир органлари аралашувисиз таъминлайдиган Ўзбекистон Республикаси Марказий сайлов комиссияси мустақиллик, қонунийлик, коллегиаллик, ошкоралик, адолатлиликдан иборат бўлган асосий принциплар асосида фаолият кўрсатади.
— Марказий сайлов комиссияси, 2014 йилда Ўзбекистон Республикаси Олий Мажлиси, халқ депутатлари вилоят, туман ва шаҳар Кенгашлари сайловига тайёргарлик кўриш ва уни ўтказиш бўйича тадбирлар дастурини ишлаб чиқди ҳамда тасдиқлади. Мазкур дастурнинг мазмун-моҳияти, ундан келиб чиқиб айни кунда амалга оширилиши лозим бўлган вазифалар хусусида тўхталиб ўтсангиз.
— Қонунчилик талаблари ва халқаро сайлов стандартларига тўлиқ мувофиқ равишда ишлаб чиқилган ушбу дастурда сайловга тайёргарлик кўриш ва уни ўтказиш бўйича муҳим талаб ва вазифалар, жараёнга доир барча тадбирлар ва уларни ўтказишга масъул тузилмалар белгилаб берилган. Бу сайловга юксак тайёргарлик кўриш ва уни ўтказиш, фуқароларнинг сайлов ҳуқуқларини тўлиқ амалга ошириш учун шарт-шароитлар яратиш, сиёсий партияларнинг фаоллигини таъминлаш учун жуда муҳимдир.
Сайлов тўғрисидаги қонунчиликнинг қоидаларини сайловчиларга кенг тушунтириш, уларнинг бўлажак сайлов мамлакатимиз ҳаётидаги энг муҳим ижтимоий-сиёсий воқеа эканлигини ҳис қилишига эришиш бугуннинг энг долзарб вазифасидир. Айниқса, сайлов кампаниясида ёшлар ва хотин-қизларнинг фаол иштирок этиши, уларнинг ижтимоий фаоллигини, сиёсий ва ҳуқуқий маданиятини ошириш учун шарт-шароит яратиш муҳим аҳамият касб этади. Бунинг учун сайловда иштирок этаётган ёшлар билан кенг иш олиб бориш, нодавлат нотижорат ташкилотлари билан ҳамкорликда хотин-қизлар, ёшлар ўртасида сайлов тўғрисидаги қонунчилик нормаларини таништириш мақсадида тадбирларни ташкил этиш лозим.
Бу вазифалар, албатта, мавжуд сиёсий партиялар зиммасига катта масъулият юклайди. Чунки партиянинг жамият ҳаётидаги ўрни, халқ олдидаги обрўси айнан сайловларда кўринади. Шу боис сиёсий партиялар ҳозирда депутатликка номзодларга ўз сайловолди дастурларининг қоидаларини, мамлакатни ижтимоий-сиёсий, социал-иқтисодий ривожлантиришнинг долзарб масалаларига доир нуқтаи назарларини сайловчиларга, жамоатчиликка етказиши учун оммавий ахборот воситаларидан кенг ва тенг фойдаланиши имконияти яратилди.
Сиёсий партия сайловда уни қўллаб-қувватлайдиган сайловчиларнинг камида қирқ мингта имзосини тўплаши зарур. Бунда мамлакатимизнинг битта маъмурий-ҳудудий тузилмасида, яъни Қорақалпоғистон Республикаси, вилоятлар ёки Тошкент шаҳрида тўпланган имзолар сони талаб этилган имзолар сонининг саккиз фоизидан ошмаслиги белгиланган.
"Ўзбекистон Республикаси Олий Мажлисига сайлов тўғрисида"ги Қонуннинг 21-моддасига мувофиқ, сиёсий партия парламент сайловида иштирок этиш ва депутатликка номзодлар кўрсатишга ижозат олиш учун 12 октябргача Марказий сайлов комиссиясига партия раҳбари томонидан имзоланган сайловда иштирок этиш тўғрисидаги ариза, Адлия вазирлигининг сиёсий партия қонунда белгиланган муддатда рўйхатдан ўтганини тасдиқловчи маълумотномаси, шунингдек, имзо варақаларини тақдим этиши шарт.
Сайловларда иштирок этиш учун сиёсий партиялар ва депутатликка номзодларнинг сайлов қонунчилиги принциплари ва талабларини ҳисобга олган ҳолда сайлов жараёнида сиёсий рақобатнинг маданий шаклларидан фойдаланишларига кўмаклашишга катта аҳамият берилади. Бунда сайлов кампанияси барча иштирокчиларининг амалдаги қонунчилик талабларига сўзсиз ва аниқ риоя этиши муҳим талаб ҳисобланади.
Сайлов кампанияси иштирокчиларининг бирортасига бирон-бир имтиёз ва устунлик берилмайди. Сайлов қонунчилигининг меъёрлари, талаблари, қонунда ва ушбу дастурда белгиланган сайловга тайёргарлик кўриш ва уни ўтказиш тартиби ҳамма учун мажбурий ва бир хилдир.
Холбиби САФАРОВА суҳбатлашди.