вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Нуротадан 18 совриндор

19.09.2016 07:37:07

Нуротадаги болалар ва ўсмирлар спорт мактабида белбоғли кураш бўйича 2003-2004 йилларда туғилган ўсмирлар ва қизлар ўртасида Ўзбекистон Кубоги мусобақалари бўлиб ўтди. Спортнинг мазкур турини кенг тарғиб қилиш, соғлом турмуш тарзига даъват этиш мақсадида ташкил этилган мусобақада 265 нафар йигит-қиз 11 та вазн тоифасида куч синашди.

Қизғин кечган курашларда вилоятимиз шарафини нуроталик ўқувчилар муносиб ҳимоя қилишди. Вакилларимиз мусобақа давомида 26 та медаль жамғаришган бўлса, уларнинг 18 тасини Нуротадаги БЎСМ шуғулланувчилари қўлга киритди. Жумладан, Анзират Солиева ҳамда Даврон Райимқуловлар 52 килограмм, Абдурайим Рамазонов 48 килограмм, Ҳамза Ўралов 44 килограмм, Ўткир Бозорқулов 60 килограмм вазн тоифаларида ғолибликни эгаллашди.

— Мураббийим Сайфиддин Холмуродовдан белбоғли кураш сирларини ўрганиб келаяпман, — дейди 1-ўрин соҳиби Ҳ. Ўралов. — Бугунги ғалабамда устозимнинг ҳиссалари катта. Келажакда бундан ҳам нуфузли мусобақаларда ғолиб бўлишни орзу қиламан.

Умумжамоа ҳисобида Фарғона вилояти курашчилари 1-ўринни эгаллашди. 2-ўрин вакилларимизга, 3-ўрин эса наманганликларга насиб этди. Fолиб ва совриндорлар диплом, медаль, эсдалик совғалари билан тақдирланди.