вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
21.07.2017 16:25:22
Мусаффо осмон, фаровон ҳаёт, барқарор ривожланиш, гуллаган жамият, тинч оила. Кундан-кунга чирой очиб бораётган юртимизнинг ҳар бир тонги ана шундай хайрли бошланаётгани барчамизни истиқлолнинг нечоғлик буюк неъмат эканлигини чуқурроқ ҳис қилишга ундайди. Айниқса, соҳаларда бўлаётган ўзгариш, янгиликлар меҳнаткаш халқимизнинг билагига куч бағишлаб, шижоатини оширмоқда.
Мамлакатимиз раҳбари томонидан жорий йилнинг "Халқ билан мулоқот ва инсон манфаатлари йили" деб эълон қилиниши ҳамда виртуал, халқ қабулхоналарининг эзгу мақсад йўлида иш бошлаши жаннатмакон диёримизда инсон манфаатларининг ҳар нарсадан устун эканлигини яна бир бор намоён қилиб, бу борадаги ишлар кўламини кенгайишига туртки бўлаяпти.
Президентимизнинг "Ўзбекистон Республикасини янада ривожлантириш бўйича Ҳаракатлар стратегияси тўғрисида"ги Фармони эса халқимизнинг муносиб ҳаёт кечириши, фуқароларимизнинг бунёдкорлик салоҳиятини рўёбга чиқариш учун зарур шарт-шароитлар яратиши, жамиятда қонун устуворлигини, инсон ҳуқуқ ва эркинликларини, миллатлараро тотувлик ва диний бағрикенглик муҳитини таъминлаши билан аҳамиятли бўлди.
"Нурга чўмган маскан", деб эътироф этиладиган Нурота туманида ҳам Давлат Дастуридан келиб чиққан ҳолда улуғ мақсадлар кўзланган изчил ишлар амалга оширилмоқда. Айниқса, ҳудуд шароитидан келиб чиқиб, чорвачилик ва ҳунармандчилик соҳаларини ривожлантиришга алоҳида эътибор қаратилаяпти.
Туманни ижтимоий-иқтисодий ривожлантириш борасида амалга оширилган ишларга назар ташлайдиган бўлсак, ўтган давр мобайнида замонавий ва рақобатбардош иқтисодиётни шакллантиришга қаратилган таркибий ислоҳотларни янада чуқурлаштириш, иқтисодиёт тармоқларини модернизациялаш, ишлаб чиқариш ва ижтимоий инфратузилмаларни, биринчи навбатда, қишлоқ жойларида кичик бизнес ва хусусий тадбиркорликни ҳар томонлама қўллаб-қувватлаш чора-тадбирларининг изчил амалга оширилиши натижасида барча соҳаларда ижобий кўрсаткичларга эришилганлигининг гувоҳи бўлишимиз мумкин.
Аввало айтиш керакки, ҳудудда бўш турган ва самарасиз фойдаланилаётган объектларни хусусий мулкка сотиш, хусусийлаштирилган объектлардан фойдаланиш самарадорлигини ошириш ва улар негизида замонавий ишлаб чиқаришларни ташкил этиш ҳал этилиши лозим бўлган асосий масалалардан бири ҳисобланади. Шу маънода ҳисобот йилининг олти ойи мобайнида кам қувватли, бўш турган ва қурилиши тугалланмаган объектлар Дастури доирасида жами 1,7 миллиард сўмлик 8 та лойиҳа амалга оширилиб, 43 та янги иш ўринлари яратилишига эришилди.
Туманда аввал хусусийлаштирилиб бўш турган ва қурилиши тугалланмаган объектлар негизида ишлаб чиқариш (хизмат кўрсатиш) лойиҳаларини ташкил этиш бўйича ҳам тизимли ишлар амалга оширилди. Жумладан, жами 6 та бўш турган ва қурилиши тугалланмаган объектлар аниқланиб, уларнинг эгалари билан биргаликда янги лойиҳалар ташкил этиш бўйича тармоқ жадваллари ишлаб чиқилди. Натижада жами 7535.0 миллион сўмлик инвестициялар жалб қилиниши белгиланган.
Туманда янги иш ўринларини ташкил этиш ва аҳоли бандлигини таъминлаш дастурига асосан, 2017 йилда меҳнатга лаёқатли аҳолини иқтисодиётимизнинг реал тармоқларида бандлигини таъминлаш, бу борада мавжуд муаммоларни бартараф этиш борасида бир қатор чора-тадбирлар амалга оширилмоқда.
Жорий йилнинг икки ойи давомида 1913 та иш ўрни яратиш режалаштирилган бўлиб, амалда бу кўрсаткич 1940 тага етди. Иш билан банд бўлганлар орасида ёшлар 911, аёллар 548, касб-ҳунар коллежлари битирувчилари 573, меҳнат мигрантларидан қайтганлар 431 нафарни ташкил этади. Шу ўринда айтиш керакки, аҳоли бандлигини таъминлашда туманни ижтимоий-иқтисодий ривожлантириш мақсадида қабул қилинган мақсадли дастурларнинг ўрни ва аҳамияти беқиёс бўлмоқда.
Банк-молия тизимининг барқарорлигини янада ислоҳ қилиш, ҳудудларни комплекс ривожлантириш дастурлари лойиҳаларини молиялаштириш, тадбиркорлик фаолиятини ривожлантиришда банк муассасалари роли ва иштироки оширилаётганини ҳам таъкидлаш лозим.
Бугунги кунга қадар туман бўйича қиймати 16,2 миллиард сўмлик 97 та лойиҳа амалга оширилиб, 328 та янги иш ўрни яратилди.
Жумладан, саноат соҳасида қиймати 5,2 миллиард сўмлик 12 та, хизмат кўрсатиш соҳасида 2,7 миллиард сўмлик 28 та ва қишлоқ хўжалиги йўналишида 8,4 миллиард сўмлик 57 та лойиҳа фойдаланишга топширилди. Шунингдек, 2017 йил дастури доирасида бугунги кунга қадар 33 та лойиҳага 13.2 миллиард сўмлик кредит маблағи ажратилган.
Таъкидлаш жоизки, барча саъй-ҳаракатлар, ислоҳотлар замирида халқ манфаатини ҳимоя қилиш, уларни қийнаётган муаммоллар ечимини топиш, фаровон ҳаёт кечиришлари учун муносиб шарт-шароитлар яратиш мақсади ётади. Биз бундан кейин ҳам ана шу йўлда давом этиб, тараққиёт сари дадил одимлашни, нурли масканда бундан ҳам нурли келажак барпо этишни асосий вазифамиз, бурчимиз деб биламиз.
Ж. ҲАМРОЕВ,
Нурота тумани ҳокими.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а