вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
29.06.2016 13:34:31
Жорий йил август ойида ҳар тўрт йилда бир маротаба ўтказиладиган мусобақа — Олимпия ўйинлари старт олади. Дунёнинг деярли барча мамлакатларида бўлгани каби юртимиз спортчилари ҳам ушбу нуфузли мусобақага қизғин тайёргарликни бошлаб юборишган. Президентимизнинг 2013 йил 25 февралдаги "Ўзбекистон спортчиларини 2016 йилда Рио-де-Жанейро шаҳрида (Бразилия) бўлиб ўтадиган XXXI ёзги Олимпия ва XV Паралимпия ўйинларига тайёрлаш тўғрисида"ги қарорига мувофиқ бу борадаги ишлар тизимли асосда изчиллик билан олиб борилмоқда.
"Жисмоний тарбия ва спорт тўғрисида"ги Ўзбекистон Республикаси Қонунининг қабул қилиниши, "Умид ниҳоллари", "Баркамол авлод" ва Универсиада мусобақаларининг ташкил этилиши, Болалар спортини ривожлантириш жамғармасининг ташкил этилиши халқаро мусобақалар совриндорлари сафи янада кенгайишига замин яратди.
1996 йилги Атланта Олимпиадасидан 2012 йилги Лондон Олимпиадасигача, 1994 йили Лиллихаммердаги қишки Олимпиададан 2014 йили Сочида ўтган қишки Олимпия ўйинларигача бўлган нуфузли мусобақаларда юртимиз спортчилари 6 та олтин, 5 та кумуш ва 10 та бронза медалига сазовор бўлишди.
2013 йил 2 апрелда Ўзбекистон Республикаси Вазирлар Маҳкамасининг "Ўзбекистон Миллий олимпия қўмитаси ҳузуридаги Ўзбекистон олимпиадачиларини қўллаб-қувватлаш жамғармаси фаолиятини ташкил этиш тўғрисида"ги қарори қабул қилинди. Унга кўра, жамғарма маблағлари республика спорт федерацияларининг моддий-техник базасини янада мустаҳкамлашга йўналтирилди. Бу эса спортчиларга зарур даражадаги қулайликни яратиб беришда яна бир қадам бўлди. Ана шундай эътирофли ишлар учун 2014 йили Жанубий Кореянинг Инчеон шаҳрида ўтказилган XVII ёзги Осиё ўйинлари арафасида ташкил этилган Осиё олимпия кенгашининг 33-ассамблеясида Ўзбекистон Миллий олимпия қўмитаси Ўзбекистонда олимпия ҳаракатини ривожлантириш борасида олиб бораётган ишлари, ҳамюртларимизнинг Осиё қитъасида спортни янада юксалтиришга қўшаётган ҳиссаси учун кенгашнинг энг юксак мукофотига сазовор бўлди.
Ҳозирги кунда республикамиз бўйлаб етмиш нафарга яқин спортчилар халқаро мусобақалардаги ғалабалари эвазига Рио-де-Жанейрода бўлиб ўтадиган Олимпия ўйинлари йўлланмасига эга бўлишгани ана шу мукофотга муносиб жавоб эканлиги аниқ. Қувонарлиси, олимпиадачиларнинг тўрт нафари вилоятимиз вакилларидир. Паралимпия ўйинларида 2014 йил Кореянинг Инчеон шаҳрида ўтказилган Осиё чемпионатида ядро ва диск улоқтириш бўйича тенгсиз деб топилган Ҳусниддин Норбеков юртимиз шарафини ҳимоя қилса, Олимпиадада эркин курашда Ихтиёр Наврўзов ҳамда Аббос Раҳмоновлар, бадиий гимнастика бўйича эса Зарина Қурбонова Ватан фахри учун бор иқтидор, тажрибаларини намойиш этишади. Улар айни кунларда терма жамоа аъзоси сифатида ўқув-йиғин машғулотларини олиб боришмоқда. Шунингдек, вилоятдошларимиздан сузиш бўйича миллий терма жамоа вакиллари Хуршиджон Турсунов, Даниил Тулупов, енгил атлетикада Элбек Султоновлар Олимпия ўйинларида қатнашишга даъвогарлар сафида лицензия берувчи халқаро мусобақаларда иштирок этишмоқда.
Ҳали ёш бўлишига қарамай Бразилияга йўл олишга муваффақ бўлган Аббос Раҳмонов асли Хатирчи туманидан. Эркин кураш билан шуғулланишни бошлаганига тўққиз йил бўлган спортчи Республика Олимпия захиралари коллежи 3-босқич ўқувчиси. У май ойида Туркияда бўлиб ўтган жаҳон саралаш турнирида 57 кг вазн тоифасида кумуш медални қўлга киритишга муваффақ бўлди. Бу эса хатирчилик спортчига Рио-де-Жанейрога йўл очди.
— Эркин курашда илк мураббийим отам Зафар Сатторов бўладилар, — дейди биз билан суҳбатда А. Раҳмонов. — Ҳозирда Ўзбекистонда хизмат кўрсатган мураббий Латиф Ҳалимов бошчилигида машғулотлар олиб боряпмиз. 2013 йил Мўғулистонда ўтган Осиё чемпионати финалида икки карра Осиё чемпиони бўлган кореялик спортчи устидан ғалаба қозонганман. Ўша кун мен ва яқинларим учун унутилмас, қувончли бўлган. Олдинда эса бизни Рио-де-Жанейро кутмоқда. Нуфузли мусобақада ғалаба қозонишни аҳд қилганман. Ватаним, ота-онам, яқинларим ишончини оқлаш учун бор кучимни аямайман.
Яқинда Бразилиянинг Рио-де-Жанейро шаҳрида бўлиб ўтган бадиий гимнастика бўйича саралаш мусобақасида ҳамюртларимиз яна бир муҳим ғалабага эришишди. Унда Ўзбекистон терма жамоаси аъзоси Анастасия Сердюкова шахсий чиқишларда, Самира Амирова, Валерия Давидова, Луиза Fаниева, Зарина Қурбонова ҳамда Марта Растобуровалар эса жамоавий баҳсларда Олимпия ўйинлари лицензиясини қўлга киритди. Терма жамоа сафида навоийлик қизнинг борлиги ҳар бир вилоятдошимизни қувонтириши аниқ.
— Ютуқларимда мураббийларимнинг ҳиссалари катта, — дейди Ўзбекистон давлат жисмоний тарбия институти талабаси З. Қурбонова. — Устозларимиздан ўрганганларимизни ёдда сақлаб, тажрибамизни бойитиб боряпмиз. Бразилияда бизни кучли жамоалар кутиб тургани аниқ.
Мамлакатимизда 6 ёшдан 15 ёшгача бўлган қизлар орасида нафис спорт тури билан машғулларнинг сони 30 минг нафардан ортгани эътиборнинг яна бир кўринишидир. Юртимизнинг май ойида бадиий гимнастика бўйича катталар ўртасида Осиё чемпионатидек нуфузли мусобақага мезбонлик қилгани Ўзбекистонга спортга кенг аҳамият қаратаётган, етарли шароитларни муҳайё эта олган давлат сифатида баҳо берилишининг исботи. Республика Маданият ва спорт ишлари вазирлиги, Миллий Олимпия қўмитаси, Гимнастика федерацияси ҳамкорлигида Халқаро гимнастика федерацияси ҳамда Осиё гимнастика иттифоқи шафелигида ташкил этилган мазкур нуфузли мусобақада Ўзбекистон, Жанубий Корея, Хитой, Япония, Гонконг, Ҳиндистон, Индонезия, Малайзия, Тайланд, Қозоғистон ва бошқа мамлакатлар вакиллари ўз маҳорат ва истеъдодини намойиш этди. Чемпионат иштирокчиларидан бири япониялик Узуме Кавасаки мусобақа таассуротлари билан ўртоқлашаркан, журналистларга берган интервьюсида шундай деганди: "Ўзбекистон — гўзал ва бетакрор юрт. Айниқса, халқингизнинг самимияти, меҳмондўстлиги жамоамиз аъзоларида катта таассурот қолдирди. Мамлакатингизда спорт, хусусан, бадиий гимнастика билан шуғулланиш учун яратилган шарт-шароитлар ҳавас қилгулик даражада эканини таъкидлашни истардим. Ўзбекистон вакилларининг қитъа ҳамда жаҳон миқёсидаги нуфузли мусобақаларда юқори натижаларни қўлга киритаётгани, мунтазам кучлилар сафида эътироф этилиши ана шу омиллар билан боғлиқлигини англаб етдим. Уларга келгусида ҳам омад тилаб қоламан".
Чиндан Ўзбекистон — бетакрор юрт. У барчамизга муқаддас Ватан. Рио-де-Жанейрода Ватан шарафини ҳимоя қилишга ҳозирланаётган спортчиларимиз улкан орзу билан яшаётгани рост. Истагимиз, шу орзуларнинг рўёбини берсин. Fалаба ёр бўлсин уларга!
Зулфия БОБОЕВА.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а