вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
НАВОИЙ ШАҲРИДА 230 ЎРИНЛИ ЗАМОНАВИЙ МЕҲМОНХОНА ФАОЛИЯТИНИ БОШЛАДИ
17.11.2020 12:11:49
“Navoiy tinch tekstil” раҳбари, тадбиркор Жўрабек Холиқов ташаббуси билан бунёд этилган мазкур меҳмонхона фаолиятини бошлаши муносабати билан 67 та янги иш ўрни яратилди. Энг эътиборлиси, уларнинг аксарияти ёшлардан иборатдир. Навоий шаҳрининг “Ёшлик” маҳалласи ҳудудида умумий қиймати 64,8 миллиард сўм, 105 та хона ва 230 та ўриндан иборат бўлган замонавий тўрт юлдузли меҳмонхона фаолиятини бошлади.
Бундан ташқари, 2 йил олдин қурилиши бошланган бинода ўтган давр мобайнида 500 нафардан ортиқ ишчи ўрни шаклланиб, уларнинг бандлигига ҳам кўмаклашилди.
Замонавий ва юксак архитектура намуналари асосида, юксак дид ва маҳорат билан қад ростлаган меҳмонхона бугун қурилиш индустриясининг янгича кўриниши сифатида Навоий шаҳрига ўзгача чирой бағишлади.
Энг эътиборлиси, “Tinchlik Plaza hotel” меҳмонхонасида жисмонан заиф меҳмонлар учун мўлжалланган “Ногиронлар хонаси” ҳам ташкил этилган.
Қолаверса, хорижий ва маҳаллий сайёҳларни қабул қилиш учун барча шароитлар муҳайё этилган.
Хусусан, мазкур меҳмонхонада микроавтобус, автотураргоҳ, мусиқий фаввора, 4 та ресторан, замонавий спа-маркази ва ирланд усулида таъмирланган “PUB”, фитнес клуб, очиқ ва ёпиқ сув ҳавзалари, “фитобар” ташкил этилганлиги сайёҳларга бирдек манзур бўлади, албатта
— Меҳмонхона фаолиятини йўлга қўйишдан асосий мақсадимиз мамлакатимиз туризм соҳасини ривожлантиришга муносиб ҳисса қўшишдан иборатдир, — дейди тадбиркор Жўрабек Холиқов. — Энг муҳими, ўзимизнинг янги лойиҳаларимиз билан халқимизга хизмат қилаётганимиздан миннатдормиз.
Таъкидлаш жоизки, айни пайтда Навоий вилоятида туризм соҳасида 32 та умумий қиймати 142 миллиард сўмлик инвестицион лойиҳа амалга оширилмоқда.
Бу эса келажакда соҳа ривожида муҳим омил бўлиб хизмат қилади.
Меҳмонхона очилиш маросимида Навоий вилояти ҳокими К.Турсунов ва Навоий шаҳар ҳокими М.Базаров иштирок этди ва сўзга чиқди.
Кўрилганлар сони: 2517
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а