вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
13.11.2014 10:09:20
Мамлакатимиздаги энг йирик ишлаб чиқариш корхоналаридан бири "Қизилқумцемент" ОАЖда вилоят адлия бошқармаси ҳамда вилоят сайлов комиссияси ҳамкорлигида сайлов қонунчилиги, унинг мазмун-моҳиятига бағишланган семинар бўлиб ўтди.
Тадбирни корхонанинг касаба уюшма қўмитаси раиси Нуриддин Жуманиёзов бошқариб борди. Ҳозирда корхонада 3500 нафар ишчи-ходим фаолият олиб бораётган бўлса, уларнинг аксариятини ёшлар ташкил қилади. Шундай экан, мамлакатимиздаги сайлов тизими ва уни ўтказиш тартиби ҳақида тўлиқ тушунча бериш муҳим аҳамият касб этади.
Семинарда сўзга чиққан вилоят адлия бошқармаси бошлиғи Анвар Рўзиев давлатимизда қонун устуворлигини таъминлаш, миллий қонунчилик тизимини инсон ҳуқуқлари ва эркинликларини ҳимоя қилишнинг ишончли механизмига айлантириш, бу борада олиб борилаётган кенг кўламли ишлар хусусида батафсил тўхталди. Хусусан, сайловларни эркин, холис ва адолатли ўтказилишини таъминловчи бир қатор меъёрий ҳужжатларнинг мазмун-моҳияти, Ўзбекистонда сайловчиларни умумий, тенг ва тўғридан-тўғри сайлов ҳуқуқи асосида яширин овоз бериш йўли орқали ташкил этилиши, сайловолди ташвиқотлари ва уни олиб бораётганда давлат оммавий ахборот воситаларидан фойдаланиш тартиби ҳақида батафсил тўхталди.
Шунингдек, маърузачи депутатликка муносиб номзодларни танлаш ҳамда сайлов қонунчилигига киритилган қўшимча ва ўзгартишларни алоҳида эътироф этар экан, Президентимиз томонидан 2010 йил 12 ноябрда Олий Мажлис палаталарининг қўшма йиғилишида тақдим этилган "Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси" мазкур йўналишда янги босқични бошлаб бергани, сиёсий партияларнинг ушбу жараёндаги иштироки ҳақида ҳам тўлиқ тушунча берди.
Вилоят сайлов комиссияси раиси Шухрат Джураевнинг маърузасида эса қонунчилигимизга киритилган ўзгартишга кўра, сайловга тайёргарлик кўриш ва уни ўтказиш билан боғлиқ бўлган мутлақ ваколатлар Марказий сайлов комиссиясига берилганлиги, вилоятимизда Олий Мажлис Қонунчилик палатасига сайлов ўтказувчи 5 та сайлов округи тузилганлиги ва унга қайси ҳудудлар киритилгани ҳамда халқ депутатлари вилоят Кенгашига сайлов ўтказувчи 50 та сайлов округи мавжудлиги, шунингдек, муддатидан олдин ва такрорий овоз бериш тартиблари хусусида сўз борди.
— Мазкур семинарнинг ўтказилиши корхона ишчилари, айниқса, ёшлар учун айни муддао бўлди, — дейди "Қизилқумцемент" ОАЖ хотин-қизлар қўмитаси раиси Муяссар Нурназарова. — Негаки, улар бу йил биринчи марта сайловлар жараёнида иштирок этадилар. Шу боис, ёшларнинг бу борадаги билим ва кўникмаларини шакллантириш, сайлов жараёнларига фаол иштирокини таъминлаш олдимиздаги долзарб вазифалардан биридир.
Жорий йилнинг 21 декабрь куни Ўзбекистон Республикаси Олий МажлисиҚонунчилик палатаси, халқ депутатлари вилоят, туман ва шаҳар Кенгашларига бўладиган сайловларда вилоятимизда 628 минг нафардан ортиқ сайловчи иштирок этиши кўзда тутилган бўлиб, мазкур муҳим сиёсий жараённи уюшқоқлик билан ўтказиш, кенг жамоатчилик ўртасида тарғибот ва тушунтириш ишларини олиб боришда ҳамкорликни таъминлаш долзарб аҳамият касб этади. "Қизилқумцемент" ОАЖда ўтган семинар ҳам ана шундай ҳамкорлик намунаси бўлди.
Нигора РЎЗИЕВА.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а