вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Муҳим масалалар муҳокамаси

03.07.2017 10:41:13

Халқ депутатлари вилоят Кенгашининг навбатдаги XXVII сессияси бўлиб ўтди. Сессияни вилоят ҳокими К. Турсунов олиб борди.

Сессия ишида маҳаллий Кенгашлар депутатлари, вилоят ҳокими ўринбосарлари, тегишли ташкилот ва корхоналар раҳбарлари, ОАВ вакиллари иштирок этди.

Кун тартибида вилоят ҳокимининг биринчи ўринбосари У. Раззоқовнинг "2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини "Халқ билан мулоқот ва инсон манфаатлари йили"да амалга оширишга оид Давлат дастурининг вилоятдаги ижроси тўғрисида"ги, вилоят ҳокимлиги Ташкилий-назорат гуруҳи раҳбари Р. Ҳайдаровнинг "Ўзбекистон Республикаси Президентининг 2017 йил 11 апрелдаги ПҚ-2881-сонли қарорининг вилоят ҳокимлиги таркибий бўлинмалари (комплекслар), уларнинг таркибига кирувчи корхона, ташкилот ва муассасалар ҳамда туман ва шаҳар ҳокимликларида ижроси тўғрисида"ги, Марказий банк вилоят бош бошқармаси бошлиғи Р. Сулаймоновнинг "Марказий банк вилоят бош бошқармасининг 2017 йил ўтган давридаги фаолияти натижалари юзасидан ҳисоботи тўғрисида"ги, Регламент ва депутатлик одоби доимий комиссияси раиси ўринбосари А. Жўраевнинг "Халқ депутатларининг ўзлари сайланган сайлов округлари ҳудудларида Давлат ва ҳудудий дастурларнинг бажарилишидаги иштироки тўғрисида"ги, вилоят соғлиқни сақлаш бошқармаси бошлиғи Ф. Fаппаровнинг "Фуқаролар соғлиғини сақлаш тўғрисида"ги ва "Дори воситалари ва фармацевтика фаолияти тўғрисида"ги Ўзбекистон Республикаси қонунларининг вилоятдаги ижросини ўрганиш тўғрисида"ги, вилоят қишлоқ ва сув хўжалиги бошқармаси бошлиғи Ж. Қурбоновнинг "Боғдорчилик, узумчилик ва сабзавотчиликка ихтисослашган хўжаликларига хизматлар кўрсатиш самарадорлигини ошириш тўғрисида"ги ва бошқа муҳим масалалар муҳокама этилди.

Кун тартибидаги масалалар юзасидан депутатлар, мутасадди ташкилотлар раҳбарлари ўз фикр-мулоҳазаларини билдиришди. Сессия якунида долзарб масалаларга доир тегишли қарорлар қабул қилинди.

А. ЖЎРАЕВ.

Манбаа: dustlikbayrogi.uz