вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Муаммолар ечими топилди

17.07.2017 16:04:23

Ўзбекистон Республикаси Президентининг Зарафшон шаҳар Халқ қабулхонасига жорий йилнинг 1 март кунидан 9 июнь кунига қадар, жисмоний ва юридик шахслардан 1683 та мурожаатлар келиб тушган. Шундан 910 таси иш билан таъминлаш ҳақидаги мурожаатлар, 114 таси пенсия, нафақага оид, 105 таси уй-жой, ер билан таъминлаш, 21 тасини суд, 20 таси кредит, 12 таси ички ишлар, 18 таси коммунал тўловлар ва бошқа масалаларни қамраб олади.

— Ўзбекистон Республикаси Президенти девонининг Фуқаролар ҳуқуқларини ҳимоя қилиш, жисмоний ва юридик шахсларнинг мурожаатлари билан ишлашни назорат қилиш ва мувофиқлаштириш хизмати ходимларининг сайёр қабулида Зарафшон шаҳар фуқаролари томонидан билдирилган мурожаатлар бўйича бир қанча масалалар ижобий ҳал этилди, — дейди қабулхона мудири Э. Нурмуҳамадов. — Унда Республиканинг 20 дан ортиқ вазирлик ва идоралари ходимлари иштирок этиб қабулхонага нажот истаб келган фуқароларга амалий ёрдам бериш, муаммоларни жойида ҳал этишга асосий эътиборни қаратишди.

Жумладан фуқаро А. Абдурасуловнинг ўқиш учун зарур бўлаётган маблағини конвертация қилиш масаласида ёрдам бериш, Ш. Холмуродованинг пенсия пулларини ўз вақтида берилмаётгани, М. Раҳмонованинг Зарафшон шаҳар Саноат касб-ҳунар коллежига "ишлаб чиқариш таълими устаси" вазифасига қайта ишга тайинлаш ҳақидаги мурожаатлари шу куннинг ўзида қаноатлантирилди.

Ҳ. ИСМАТОВА.

Манбаа: dustlikbayrogi.uz