вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Мотокросс

02.04.2017 15:55:28

25-26 март кунлари Навоий шаҳрида спортнинг мотокросс тури бўйича Ўзбекистон мудофаасига кўмаклашувчи "Ватанпарвар" ташкилоти Марказий кенгаши ташаббуси билан Ўзбекистон чемпионати ва биринчилиги 2-босқич мусобақаси кўтаринки руҳда бўлиб ўтди.

Унда Қорақалпоғистон Республикаси, Тошкент шаҳри ва вилоятлардан 100 нафар спортчи ҳамда 25 нафар ҳакам иштирок этди.

Қарнаб йўналиши ЙПХ постидан бир километр узоқликдаги мототрассада ўтказилган мусобақа қизғин тус олди. Ўзбекистон биринчилиги 2-босқич шахсий ўринларда вакилимиз С. Турниёзов ғолибликни қўлга киритди. Жиззахлик Д. Тўйчиев, Бухоро вилоятидан Б. Аҳмедовлар ҳам рақибларини ортда қолдиришга муваффақ бўлишди. Д. Хушвақтов, Д. Fаниевларнинг совринли ўринларни эгаллаши умумжамоа ҳисобида вилоятимиз пешқадамлигини таъминлади.

Ўзбекистон чемпионатида Тошкент вилоятидан А. Сазонов, Жиззахдан А. Алимов, Сурхондарёдан С. Очилов, Ҳ. Қарақуловлар ғолиб бўлишди. Умумжамоа ҳисобида Тошкент шаҳри 1-, Тошкент ва Сурхондарё вилоятлари кейинги ўринларни забт этишди.

Жаҳонгир ДОСТОНОВ,

Ўзбекистон мудофаасига кўмаклашувчи

"Ватанпарвар" ташкилоти вилоят ташкилоти раиси.

dustlikbayrogi.uz