вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Моҳир цирк усталари — Навоийда

25.10.2018 11:08:59

Айни вақтда Навоий шаҳрида гостролда бўлиб турган Тошкентдаги "Восток" шапито-цирки имконияти чекланган шахслар учун "Мўъжизасиз мўъжиза" деб номланган хайрия акцияси ўтказмоқда.

Унда акробатлар, ҳаво гимнастикачилари ва бошқа кўплаб цирк усталари ўз санъатини намойиш этяпти.

Дастурдан жой олган Африканинг "Tanzanian boys" гуруҳи — Модини, Иди, Ино ва Жонларнинг мураккаб трюклардан иборат акробатик машқлари каттаю кичикка ўзгача завқ-шавқ бахш этди.

— Навоийлик ёшлар цирк санъатини ҳам жуда яхши тушунар ва қадрлар экан, — дейди цирк бошқарувчиси Ж. Ражабов. — Дастуримиз муваффақиятли намойиш этилаётганидан бағоят мамнунмиз. Ҳар бир чиқишимиз томошабинлар томонидан гулдурос қарсаклар билан илиқ кутиб олинаётгани бизга катта илҳом бағишламоқда. Санъаткорлар учун бу жуда муҳим.

— Пойтахтдан ташриф буюрган шапито циркини томоша қилиш учун оилавий келдик, — дейди Навоий шаҳридаги 1-давлат ихтисослаштирилган умумтаълим мактабининг 3-синф ўқувчиси А. Бахтиёров. — Цирк усталарининг манеждаги чиқишлари менда катта таассурот қолдирди. Айниқса, Нала ва Симба лақабли қоплонларнинг моҳирлик ва эпчиллик билан бажарган ҳаракатлари, маймунча ва кучукчанинг қувноқ ўйинлари ҳамда қизиқарли фокуслар жуда ёқди.

Тадбир учун тайёрланган бежирим либослар, жўшқин рақслар ва масхарабозларнинг ҳазил-мутойибалари ҳеч бир томошабинни бефарқ қолдирмади.