вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
17.10.2016 16:22:00
Сайфиддин Холмуродов тумандаги 32-ўрта мактабда ўқиб юрган кезларида жисмоний тарбия дарсларида фаол қатнашарди. Мактабни тамомлагач, Бухоро шаҳридаги педагогика билим юртининг жисмоний тарбия факультетига ўқишга кирди.
Талабалик даврида устозлари ўгитларига амал қилиб, спортнинг дзю-до тури бўйича тинмай машқ қилди. Ўқишни битириб келгач, ўз қишлоғида очилган Темирқовуқ болалар спорт мажмуасида иш бошлади. Бу ерда мураббий 2008 йилдан буён болаларнинг спортга бўлган қизиқишини янада ошириб келмоқда.
Ҳозир спорт мажмуасида 40 нафар бола дзю-до бўйича мунтазам машғулот олиб боришади. Касбига содиқ С. Холмуродовнинг қунт билан ўргатганлари бесамар кетмади. 2010 йил Тошкентда бўлиб ўтган Республика мусобақасида шогирди Сардор Бобоёров 47 килограмм вазн тоифасида 3-ўринни эгаллади. Бу зафар мураббийни руҳлантирди, унга янги куч-қувват бағишлади. С. Холмуродов ёш спортчилар ғалабаси учун астойдил ҳаракатда давом этди. Э. Қорақулов, Н. Отақулов, Ж. Жўрахолов, С. Сафарбоевлар вилоят мусобақаларида фахрли 1-ўринни эгаллашди. Шогирдларидан бири, айни пайтда Навоий Олимпия захиралари коллежида таълим олаётган Ш. Ширинқулов Қозон шаҳрида бўлиб ўтган халқаро мусобақада 3-ўринни қўлга киритди.
Яқинда Нурота шаҳрида ўтказилган Ўзбекистон Кубоги мусобақасида шогирдларидан Ҳ. Ўролов ғолиб бўлди. Н. Омонов эса 2-ўринни қўлга киритди. Мураббий шогирдлари билан машғулотларга қизғин киришган. У энди кейинги мусобақалар учун ҳозирлик кўрмоқда.
Саъдулла АБДУЛЛАЕВ,
Нурота тумани, Темирқовуқ қўрғони.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а