вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
04.07.2017 15:57:32
Жамиятнинг муҳим бўғини ҳисобланган оила муносабатлари никоҳдан бошланган. Никоҳ — янги оила вужудга келганлиги жамият томонидан эътироф этиладиган шаръий, қонуний ҳолатдир.
Бурчи ва вазифаси масъуллиги сабабли, отанинг мавқеи оилада юқори туради. Оила бошлиғи ундаги ички интизомни сақлаши, одоб-ахлоқ мезонларига амал қилишни назорат қилиши, иқтисодий-молиявий таъминот вазифаларини бажариши бурч ҳисобланади. Ўзбек оиласининг тарбиявий томонларидан яна бир муҳим жиҳати шундаки, унда отанинг шариат тартиблари ёки миллий урф-одатларга мувофиқ аёлларнинг инсоний ҳуқуқларини камситмаслиги, ҳурматини ўрнига қўйиши, уларга меҳрибон ва хушмуомала муносабатда бўлиши, фарзандларнинг билим олиши, касб-ҳунар эгаллашларини таъминлаши, соғлом ўсишлари учун мумкин бўлган шароитларни яратишлари ахлоқ қоидаси сифатида шаклланган.
Оилада бола тарбияси масаласи жамият ҳаётида алоҳида ўрин эгаллаб келган. Ўғил болаларга авлод давомчиси сифатида қаралган. Қизларга эса бўлажак она ва садоқатли уй бекаси, иффат рамзи сифатида тарбия берилган. Вояга етиш жараёнида ўғил бола ота таъсирида, қиз эса она таъсирида улғайганлар. Ўзбек халқига мос муҳим хусусиятлардан бири бу маҳалла аҳлининг болаларни тарбиялашда ҳамжиҳатликда ҳаракат қилишидир. Отанинг фарзанд олдидаги бурчлари шариат ва исломий қоидалар бўйича яхши ном қўйиш, хушхулқли, меҳнатсевар, иймон-эътиқодли қилиб ўстириш, уйлантириш, қизларни турмушга чиқариш каби вазифаларни адо этишдан иборатдир.
Тўй маросимлари ҳаётимизда узоқ тарихий давр мобайнида шаклланган бўлиб, шундай тантаналардан бири никоҳ тўйидир. Бунда икки ёшнинг янги ҳаётга қадам қўяётганлиги эл-улус, қўни-қўшниларга маълум қилинади. Никоҳ тўйигача қуда-анда тарафлар турли маросимларни бажаришади. Бу бир-бировини янада яқиндан билиш, ўзаро ишончни мустаҳкамлаш, тўйни белгилаш йўлидаги ҳаракатлардан иборат. Тўйдан бир кун олдин ёки тўй куни қизнинг отасиникида никоҳ маросими ўтказилган.
Бешик тўйи никоҳ тўйининг маҳсули сифатида оилада дунёга келган биринчи фарзанд шарафига берилади. Бешик чақалоқнинг она томони қариндошлари — бобоси, бувиси, тоға ва холалари томонидан ташкил этилади. Бешик удуми билан боғлиқ чақалоққа зарур барча буюмлар тайёрланади. Карнай-сурнай садолари жўрлигида, чақалоқни бешикка белаш маросими ўтказилади.
Хулоса қилиб айтганда, тарих синовларидан ўтган байрамлари, маросимлари, урф-одатлари халқимизнинг ажойиб фазилатлари, миллий хусусиятлари, қадриятга айланган халқчиллик руҳи билан суғорилган жиҳатларини, ҳалоллик, поклик, меҳнатсеварлик хислатларини намоён этади. Халқнинг ўзига хос миллий, руҳий кўринишларининг барчаси халқ байрамларида ўз ифодасини топади.
Fолиб АЗИМОВ,
Кармана озиқ-овқат саноати ва меҳмонхона хўжалиги
касб-ҳунар коллежи ўқитувчиси.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а