вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
04.03.2015 17:17:54
Зиёда Муҳаммедованинг ўқитувчиликка бўлган иштиёқи оиладан бошланган. Отаси Туроб Муҳаммедов ўз касбини физика ўқитувчилигидан бошлаб кўп йиллар таълим соҳасининг турли лавозимларида фаолият кўрсатди. Онаси Сабоҳат Насимова ҳам педагоглик соҳасида меҳнат қилганди.
З. Муҳаммедованинг бобо-бувилари ҳам ўқитувчилик касбини шарафлаган инсонлар бўлган. Шу боис ҳам педагоглик унинг қон-қонига сингиб кетган десак, муболаға бўлмайди. З. Муҳаммедова Бухоро давлат университетини тугатгач, илк иш фаолиятини ўзи таҳсил олган 1-умумий ўрта таълим мактабида бошлади. Ёш ўқитувчи ўзининг илғорлиги, интилувчанлиги билан жамоада ҳурмат қозонди. У ўқувчиларнинг пухта билим эгаллашлари учун бор маҳоратини ишга солди. Бу борада ота-оналар билан ҳамкорликка эътибор қаратди. Натижада қилинган меҳнат самарасини кўрсатди. У ўқитувчилар ўртасидаги турли кўрик-танловларда фахрли ўринларни эгаллади. Жумладан, 2006 йилда "Бошланғич синф ўқитувчилари учун ёзма ишлар тўплами" рисоласи чоп этилиб, фойдаланиш учун тавсия этилди. 2009 йили эса "Ижодий парвозлар сари" педагоглар гранти форумида иш фаолияти вилоят миқёсида оммалаштирилди. Бу билан чекланиб қолмаган изланувчан ўқитувчи ўз устида тинмай ишлашда давом этди. Натижада унинг "Баркамолликка йўл бошланғич таълимдан бошланади" номли методик қўлланмаси Республика таълим марказида кўриб чиқилди. Кенгаш қарори билан З. Муҳаммедова иш фаолияти республика миқёсида оммалаштирилди.
Бугунги кунда у мактабда устоз сифатида Гулруҳ Камолова, Дилрабо Хўжаева, Нодира Қосимовалар сингари шогирдларидан маслаҳат ва тавсияларини аямайди. Талабчан ўқитувчи шогирдлари муваффақиятидан мамнун бўлади, уларнинг янада юқори чўққиларни забт этишларига умид боғлайди. Зеро, устоз учун ўқувчилари ҳамда шогирдлари камолини кўришдан ортиқ бахт йўқдир.
Фахриддин НУРОВ,
Қизилтепа туманидаги 1-умумтаълим мактабининг маънавий-маърифий ишлар бўйича директор ўринбосари.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а