вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
22.08.2014 18:22:31
Омадли абитуриентлар учун эсда қоларли кун — тест натижалари эълон қилинганига ҳам кўп бўлмади. Вилоятимиздаги олий ўқув юртларида бўлганимизда билимлар синовига пухта тайёргарлик кўрган ҳолда талабалик бахтига мушарраф бўлган йигит-қизларни учратдик.
— 191,7 балл билан НДПИнинг тарих факультетига грант асосида ўқишга қабул қилиндим, — дейди биз билан суҳбатда хатирчилик Одил Тонготаров. — Бундан чексиз ҳаяжондаман. Ахир, мен талаба бўлдим! Ҳарбий хизматга бориб келгач, ўзим қизиққан соҳа бўйича тайёргарликни бошлагандим. Ўтган йили етарлича балл тўплаёлмадим. Бу йил эса ўз устимда мустақил ишлашни кучайтирганим натижасини кўрсатди. Келажакда яқинларим, устозларим ва ота-онам ишончини оқламоқчиман. Ўз соҳамнинг етук мутахассиси бўлиб, Ватанимиз тараққиёти учун хизмат қилиш ниятидаман.
НДКИ ҳам ёшлар билан гавжум. Тест натижалари эълон қилинган доскага қараб, ДТМ рақамини топган йигитнинг ҳаяжонларига биз ҳам шерик бўлдик.
— Ўқишга кирибман! 150,1 балл, грант асосида! — дейди талабалар сафига қўшилган Руслан Раҳмонов. — Институтнинг технологик жараёнлар ва ишлаб чиқаришларни автоматлаштириш ва бошқарув факультетига ҳужжат топширгандим. Энди талабаман! Қизилтепа агроиқтисодиёт коллежидаги устозларим ва тумандаги 15-умумий ўрта таълим мактаби ўқитувчиси Завқиддин Сафаровдан чексиз миннатдорман. Талабалик бахтига эришишимда уларнинг ҳиссаси катта. Мустақиллигимизнинг 23 йиллигига ўз билимим билан талаба бўлиб, совға ҳозирлаганимдан бахтиёрман. Келгусида юртимиз гуллаб-яшнашига меҳнатим, иқтидорим билан улуш қўшсам дейман.
Талабаликнинг олтин даврига қадам қўяётган бу каби изланувчан, интилувчан ёшларни олий ўқув юрти талабаси деган ном билан қутларканмиз, Ўзбекистонимиз ривожига ҳисса қўшишдек улкан тилакларингиз амалга ошсин, деб қоламиз.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а