вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

МАЙ ОЙИДА МАМЛАКАТИМИЗДА МАҲАЛЛА РАИСЛАРИ САЙЛОВИ БЎЛИБ ЎТАДИ

31.03.2022 09:23:51

Бугун, 30 март куни Навоий шаҳридаги “Ёшлар маркази”да ушбу ижтимоий-сиёсий жараёнга бағишланган ZOOM платформаси орқали (туман ва шаҳарлар учун) йиғилиш бўлиб ўтди.

Йиғилишда Ўзбекистон Республикаси Олий Мажлиси Сенатининг Бюджет ва иқтисодий ислоҳотлар масалалари қўмитаси раиси ўринбосари Қ.Б.Турсунов, Ўзбекистон Республикаси Олий Мажлиси Қонунчилик палатаси демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси раиси Ш.Г.Бафаев, вилоят ҳокими ўринбосарлари, котибият мудирлари, нодавлат-нотижорат ташкилотлари раҳбарлари ҳамда ОАВ вакиллари иштирок этишди.

Кун тартибида Ўзбекистон Республикаси Олий Мажлиси Сенатининг йигирма тўртинчи ялпи мажлисида маъқулланган қонунлар ва кўриб чиқилган бошқа масалалар юзасидан аҳоли ўртасида тарғибот ишларини амалга ошириш ҳамда фуқаролар йиғинлари раислари (оқсақоллари) сайловини ташкил масалалар муҳокама этилди.