вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

"Маҳалла паҳлавонлари"

23.07.2014 15:41:29

Навоий шаҳридаги 5-сон олимпия захираларига ихтисослашган болалар ва ўсмирлар спорт мактабида 13-14 ёшдаги ўсмир ва қизлар ўртасида "Маҳалламиз паҳлавонлари" спорт мусобақасининг вилоят босқичи бўлиб ўтди.

"Маҳалла" хайрия жамоат фонди томонидан ташкил этилган мусобақада вилоятимизнинг туман ва шаҳар босқичларида ғолибликни қўлга киритган 60 дан ортиқ спортчилар учтата вазн тоифасида беллашдилар.

— Туманимизда кураш билан шуғулланиш учун барча шароитлар яратилган, — дейди хатирчилик спортчи Зилола Бобоқулова. — Ёш спортчилар билан машғулотлар ўтказилишига малакали тренерлар жалб этилган. Мен ҳам спорт билан шуғулланишни туманимизда бошлагандим. Ҳозирда Навоий олимпия захиралари коллежида маҳоратимни ошираяпман. Жорий йилда Наманганда бўлиб ўтган кураш бўйичаЎзбекистон чемпионатида олтин медални қўлга киритдим.

Беллашув натижаларига кўра, ўсмирлар ўртасида 46, 50 ва 55 килограмм вазн тоифаларида учқудуқлик Асадулло Абдуллаев, Навоий шаҳридан Аббос Маҳмудов ва Хатирчи туманидан Fайрат Усмонов ғолибликни қўлга киритишди. Қизлар ўртасида эса 44, 48 ва 52 килограмм вазн тоифаларида Навбаҳор туманидан Гулбаҳор Муродова, Навоий шаҳридан Мухлиса Нормўминова ва карманалик Камола Актамова ғолиб чиқиб, мусобақанинг республика босқичига йўлланма олдилар.

Fолиб ва совриндорлар ташкилотчиларнинг диплом ва эсдалик совғалари билан тақдирланишди.