вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Кучли таэквондочилар тақдирланди

23.02.2015 16:39:16

Навоий олимпия захиралари коллежида таэквондо WTF спорт тури бўйича Алишер Навоий таваллудининг 574 йиллигига бағишлаб ёшлар, ўсмирлар ва болалар ўртасида вилоят "Ҳоким кубоги" мусобақаси ўтказилди.

Унда Навоий, Зарафшон шаҳарлари ҳамда Кармана, Хатирчи, Нурота, Навбаҳор,Қизилтепа туманларидан 220 нафардан ортиқ спортчи куч синашди.

Мусобақа аввалида иштирокчилар ва ота-оналарга намойиш этилган ўзбек жанг санъати ҳамда таэквондо WTF бўйича кўргазмали чиқишлар уларда катта таассурот қолдирди. Шундан сўнг мусобақа қатнашчилари ўртасида кечган баҳслар қизғин ва муросасиз давом этди.

Якунда 13 та олтин медални қўлга киритган 1-сон ОЗИБЎСМ жамоаси ғолиб деб топилди. 2-ўринни Навоий олимпия захиралари коллежи ўқувчилари, 3-ўринни эса НКМК ҳузуридаги "Прогресс" спорт соғломлаштириш клуби жамоаси эгаллади.

Шунингдек, фахрли ўринлар соҳиби бўлган жамоалар орасидан Ж. Абдуалимов, М. Худойбердиев, С. Эргашев, З. Рўзиева, А. Федотова, А. Авезмуродовлар вилоят терма жамоаси таркибига киритилди. Мусобақа сўнггида ғолиб спортчиларга диплом ва эсдалик совғалари топширилди.

Шерали ШОДМОНОВ,

Ўзбекистон таэквондо WTF ассоциацияси

вилоят бўлими бош котиби.