вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Корхонанинг дадил қадамлари

08.07.2014 09:17:52

Мамлакатимизда иқтисодий соҳада олиб борилаётган ислоҳотлар, фаол сармоявий сиёсат хорижий инвестициялар билан ҳамкорлик кўламини янада кенгайтиришда муҳим омил бўлмоқда. Бунда юртимизда иш юритаётган қўшма корхоналарнинг ҳам ўрни катта. Навоий шаҳридаги "Baht-Textile" Ўзбекистон-Россия-Германия қўшма корхонаси бунга ёрқин мисолдир. Корхона республикамизнинг енгил саноатини ривожлантиришга ҳамда экспорт салоҳиятини оширишга салмоқли ҳисса қўшиб келмоқда.

"Baht-Textile" 2006 йил 98 нафар ишчи-хизматчи билан иш бошлаган бўлса, бугунга келиб уларнинг сони 550 нафарга етди. Корхонада трикотаж ва газлама матолар ишлаб чиқариш учун ҳалқасимон ва пневмо усулида 12 турдаги калава иплар ишлаб чиқарилмоқда.

Германия, Швейцария мамлакатларида ишлаб чиқарилган технологик ускуналар корхонанинг тайёрлов, тараш, пиликлаш, йигирув каби бўлимларида ўров дастгоҳларининг бенуқсон, хавф-хатарсиз сифатли ишлашини таъминлаб келаяпти.

— 2014 йил бошида банкдан олинган 15 миллиард сўм кредитга янги дастгоҳлар сотиб олинди, — дейди қўшма корхона директори Фурқат Турсунов. — Айни пайтда ҳам технологик янгиланиш ишлари давом этаяпти. Мустақиллик байрамигача 25 та янги дастгоҳни ишга туширмоқчимиз. Ишлаб чиқарилган маҳсулот жаҳон стандартларига тўлиқ жавоб берганлиги сабабли Россия, Хитой давлатларининг йирик ишлаб чиқарувчи компаниялари доимий харидор бўлиб келаяпти. Келгусида тайёр трикотаж маҳсулотлари ишлаб чиқаришни йўлга қўймоқчимиз.