вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Конимехда янги мактаб

31.07.2014 10:37:24

Конимех тумани марказидан 100 километр олисда жойлашган "Янгиқазған" қишлоқ фуқаролар йиғинида 120 нафар ўқувчига мўлжалланган замонавий типдаги мактаб қурилмоқда.

"Юқсин қурилиш сервис" МЧЖ қурувчилари томонидан барпо этилган, лойиҳа қиймати 300 миллион сўм бўлган янги билим даргоҳи барча қулайликларга эга. Ҳозирда охирги пардозлаш ишлари олиб борилаётган бўлиб, таълим муассасаси яқин кунларда фойдаланишга топширилади.

— Ўтган йили 5-сонли ушбу мактаб учун спортзал қуриб берилган эди, — дейди биз билан суҳбатда туман ХТМФМТТЭ бўлими муҳандиси А. Эгамов. — Жорий йилда эса янгиқазғанлик ёшлар замонавий ўқув биносига ҳам эга бўлишди. Бу, албатта, улар учун мустақиллигимизнинг 23 йиллик тўйига муносиб тўёна бўлади.