вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
30.08.2016 12:56:02
Спорт бу — тобланган ирода, шижоат, катта меҳнат, ягона мақсадга эришишга ундайдиган парвоз. Ватан шаънини юракка сингдирувчи восита. Қадамларга шахдамлик, орзу-интилишларга қанот бағишлайди у. Мустақилликка эришганимиздан сўнг мамлакатимизда спорт соҳасида улкан ишлар амалга оширилди.
Йигит-қизларимиз юксак марраларни забт этиб, яхши натижалар билан жаҳонга ўзларини кўрсатишмоқда. Бу зафарларнинг барчаси Истиқлол берган имкониятлар туфайли.
Бразилиянинг Рио-де-Жанейро шаҳрида ўтказилган XXXI ёзги Олимпия ўйинларида спортчиларимиз қўлга киритган медаллардан ҳар биримиз чексиз қувондик. Кўнглимизни ғурур, ифтихор туйғулари тўлдирди. Юртимиз вакилларининг медаллар сони бўйича МДҲ мамлакатлари орасида 2-, Марказий Осиёда 1-ўринни эгаллаганидан фахрлансак арзийди.
Энг қувончлиси, боксчиларимиз медаллар жамғариш бўйича дунёда тенгсиз бўлди. Бу олтинга тенг онлар юртимиз тарихи саҳифаларига зарҳал ҳарфлар билан битилиши, шубҳасиз. Жонли эфирдан Олимпиадачиларимизнинг ғалабага бой ўйинларини кўриб, кўзим ёшланди. Айниқса, мадҳиямиз янграганда, қалбим жунбишга келди. 14 август куни йигирма уч ёшли боксчимиз Ҳасанбой Дўстматов 49 килограмм вазн тоифасида барча рақибларини енгиб, илк олтин медаль соҳибига айланди. У 2000 йили Сиднейда бўлиб ўтган 27-ёзги Олимпиадада 63,5 килограмм вазн тоифасида ғалаба қозонган боксчи Муҳаммадқодир Абдуллаевдан кейинги Ўзбекистон терма жамоасига бу турда илк олтин медаль тақдим этган ўзбек ўғлонидир. Балки Ҳасанбой Дўстматов спортчиларимизни руҳлантириб, қайсидир маънода кейинги олтин медаллар қўлга киритилишига сабабчи ҳам бўлгандир. Биз бундай спортчиларимиз билан ҳамиша фахрланамиз! Назаримда, шоир Муҳаммад Юсуф ҳам Ҳасанбой Дўстматовнинг ғалабасини билгандек, қуйидаги шеърни ёзиб қолдирган:
Зарбингдан қалқисин кулаётганлар,
Юмшоқ ўрнидан бир туриб қўйсинлар,
"Ўзбекнинг иши"ни ўйлаб топганлар,
Ўзбекнинг муштини кўриб қўйсинлар.
Қадоқ битган панжа зарби шунақа!
Кетмон тутган панжа зарби шунақа!
Ҳабашмисан, фаранг, тур, эй, оғайни,
Ўзбекнинг анжанча зарби шунақа!
Шаҳло ОРЗИЕВА,
Навоий информатика ва электрон саноат касб-ҳунар коллежи ўқувчиси.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а