вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
08.08.2017 10:23:25
Буюк Ипак йўли устида жойлашган, бир неча юз йиллик тарихга эга Кармана тумани мустақиллик йилларида янада чирой очди. Янги, равон, текис йўллар барпо этилди. Замонавий бинолар қад ростлади. Ёш истеъдод эгаларига имконият сифатида имтиёзли тарзда берилаётган "Камолот уйлари" тикланиб, шаҳар кўркига янада кўрк қўшди. Буларнинг барчаси туман аҳлининг бунёдкорлик, яратувчанлик ишқи билан яшаётгани, эртанги кунга ишончи баланд, орзулари юксаклигидан ҳам далолатдир.
Туманда қай соҳада бўлмасин, ислоҳотлар натижасида ўсишнинг кузатилаётгани меҳнаткаш ва танти карманаликларнинг мустақиллигимизнинг 26 йиллигига муносиб тўёна ҳозирлаш завқи билан ҳаракатда эканлигидан дарак беради.
Жумладан, 2017 йилнинг биринчи ярим йилида ўтган йил шу даврига нисбатан саноат маҳсулотлари 108,5 фоизга, истеъмол моллари ишлаб чиқариш 104 фоизга, асосий капиталга киритилган инвестициялар 89,5 миллиард сўмлик, пудрат ишлари 108, 6 фоизга, чакана савдо айланмаси 100,8 фоизга бажарилган. Иқтисодий дастурларни амалга ошириш, саноат соҳасини ривожлантириш, саноат корхоналарини модернизация қилиш, янги ишлаб чиқариш қувватларини ишга тушириш, қишлоқ хўжалигини ривожлантириш, фермерлик ҳаракати, кичик бизнес ва хусусий тадбиркорликни қўллаб-қувватлаш бўйича бир қатор ишлар амалга оширилди.
Хусусан, туман бўйича жорий йилнинг ҳисобот даврида 113 та янгидан ташкил этилган микрофирма ва кичик корхоналар ҳисобидан 237,3 миллион сўм қўшимча солиқ базаси яратилди. Туманни ижтимоий-иқтисодий ривожлантириш дастури доирасида 2017 йилда жами қиймати 276,1 миллиард сўм бўлган 245 та лойиҳа амалга оширилиб, натижада 1717 та янги иш ўрни яратилиши белгиланган.
Ушбу дастур доирасида жорий йилнинг биринчи ярим йиллигида қиймати 24,6 миллиард сўмлик 155 та лойиҳа амалга оширилиши белгиланган бўлиб, бугунги кунга қадар лойиҳалар ишга тушгани эвазига 560 та янги иш ўринлари яратилди. 2017 йилда дастур доирасида 139 та лойиҳаларга 118, 7 миллиард сўм кредит маблағлари ажратилиши белгиланган.
Шунингдек, "Eysi building" МЧЖ томонидан композит арматура ишлаб чиқариш белгиланган бўлиб, лойиҳага "Янгиариқ" МФЙ ҳудудидан 1,2 гектар ер майдони ажратилди.Бугунги кунда лойиҳа ташаббускори томонидан ускуна танлаш ишлари олиб борилмоқда. 2018 йилда "Сардоба" МФЙдаги бўш ва фойдаланилмасдан турган собиқ мактабгача таълим муассасасини "Зарафшон капитал сервис" МЧЖга бериб, бинода спорт пойабзаллари ишлаб чиқариш режалаштирилмоқда.
Туманда барча иқтисодий тармоқлар бўйича 1452 та субъект рўйхатдан ўтган бўлиб, бугунги кунда 1432 таси фаолият кўрсатиб келмоқда. Бундан ташқари, жорий йилнинг иккинчи ярим йиллигида Дастурлар доирасида 61 та лойиҳа амалга оширилиши эвазига 1110 та янги иш ўринлари яратилиши режалаштирилган. Лойиҳалар ишга тушгач, 652,0 миллион сўмлик саноат, 420,0 миллион сўмлик қишлоқ хўжалиги маҳсулотлари ишлаб чиқарилади. 354 миллион сўмлик хизматлар кўрсатилади. Шунингдек, иккинчи ярим йилликда саноат маҳсулотлари ишлаб чиқариш, капитал қурилиш ишлари, сервис хизматлар кўрсатиш ва бошқа соҳалардаги ўсиш ҳажмининг янада оширилиши бўйича тизимли ишлар ташкил қилинади.
Мустақиллигимизнинг 26 йиллигини муносиб кутиб олиш, ватанимиз ривожига сезиларли улуш қўшиш ҳар бир карманаликнинг мақсадига айланган. Бу мақсад бизни янги марралар сари чорлайверади.
Фахритдин УМАРОВ,
Кармана тумани ҳокими.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а