вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Китобхонлик маданияти тарғиботи

17.04.2018 23:27:15

Навоий шаҳридаги "Матбуот уйи"да "Китоб — маънавият бешиги" мақолалар танлови ғолибларини тақдирлаш маросими бўлиб ўтди.

Ушбу танлов Ўзбекистон Журналистлари ижодий уюшмаси вилоят бўлими томонидан тақдим этилган "Интеллектуал салоҳиятли ёшлар — Ўзбекистоннинг ёруғкелажаги" номли лойиҳа асосида ўтказилди. Мазкур лойиҳага Ўзбекистон Республикаси Олий Мажлиси ҳузуридаги нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш Жамоат фонди томонидан грант маблағи ажратилган эди.

2017 йилнинг 1 сентябридан жорий йил апрель ойига қадар ўтказилган танловда адабиёт ҳамда журналистикага ҳавасманд ёшлар мутолаа ва китобхонлик маданиятига бағишланган ижодий ишлари билан иштирок этди. Республика, вилоят, шаҳар ва туман даврий нашрларида чоп этилган юзлаб мақолалар таҳлил қилиниб, энг фаол 15 нафар муаллиф сараланди.

Тадбирда лойиҳа раҳбари Ёрқул Умаров грант лойиҳаси доирасида амалга оширилган ишлар хусусида батафсил маълумот берди.

— Ўсиб келаётган ёш авлод қалбида китобга меҳр уйғотиш ҳар биримизнинг асосий вазифамиз, — дейди танлов ғолибларидан бири, Зарафшон шаҳридаги 2-мактаб ўқитувчиси А. Жарқинов. — Мутолаа билан бир қаторда китобхонлик маданиятини шакллантириш ҳам муҳим. Бу танловнинг ютуғи тарғиботнинг энг чекка овул, қишлоқларгача етиб борганидир.

Fолибларга диплом ҳамда ўзбек ва жаҳон адабиётининг нодир намуналаридан иборат китоблар жамланмаси топширилди.