вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Китоб — ҳаёт кўзгуси

11.07.2017 17:47:36

Президентимиз томонидан китобхонликни кенг тарғиб қилишга алоҳида аҳамият қаратилаётгани қувонарлидир. Чунки китоблар инсон маънавиятини бойитиб, уни тафаккурини оширишда энг яхши восита.

"Мен ўқиган китоб" мавзусида иншолар танлови ўтказилганда, ўқувчилар мутолаа қилган бадиий асарларининг мазмун-моҳияти, қаҳрамонлар характеридаги ижобий ва салбий жиҳатлар, орзулари ҳақида фикр-мулоҳазаларини қоғозга туширишди. "Китоб — ҳаёт кўзгуси" номли китоб марафонида ўқувчилар ва уларнинг ота-оналари фаол иштирок этишди.

Шунингдек, энг сўнгги нашрдаги адабиётлар билан ўқувчиларни хабардор қилиш мақсадида "Танишинг, янги адабиётлар" номли китоб кўргазмаси ташкил этилди. Вилоят миқёсида бўлиб ўтган "Мен ўқиган китоб" ва "Энг яхши китобхон" кўрик-танловида лицей ўқувчиларимиздан Баҳора Ражабова 1- ўринни, Дилдора Ўроқова, Зарнигор Сафаровалар 2-ўринни қўлга киритишди. Қувонарлиси, ўқувчиларимизнинг китоб ўқишга иштиёқи баланд. Улар шаҳримизда янги очилган "Китоблар олами" дўконига тез-тез бориб туришади. Бу ердаги турли жанрдаги адабиётлар йигит-қизларимизни бефарқ қолдирмайди. Уларнинг китобхонлиги бизни хурсанд қилади.

Нодира ҚУРБОНОВА,

НДКИ ҳузуридаги 2-сонли академик лицей АРМ раҳбари.

Манбаа: dustlikbayrogi.uz