вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Кимёгарлар ютуғи

28.02.2017 15:00:32

"Navoiyazot" акциядорлик жамиятига қарашли "Ширин" маданият саройида, кимёгарлар ташаббуси билан, "Минерал ўғитларнинг янги турлари — юқори ҳосилдорлик, хавфсизлик ва иқтисодий барқарорлик гарови" мавзусида республика семинари бўлиб ўтди. Унда кимё саноати, жумладан, минерал ўғитлар ишлаб чиқаришда сўнгги йилларда қўлга киритилган ютуқлар — янги ўзлаштирилган ўғитлар намойиш этилди.

Тадбирда "Ўзкимёсаноат", "Ўзкимёҳимоя" ва бошқа акциядорлик компаниялари ҳамда жамиятлари, умумий, органик ва анорганик кимё, уруғчилик, агротехнологиялар ва агрокимё, тупроқшунослик ва бошқа илмий-текшириш институтлари вакиллари, вилоятимиз фермерлари иштирок этишди.

"Navoiyazot" АЖ асосан қишлоқ хўжалиги корхоналари учун минерал ўғитлар ишлаб чиқаради. Айниқса, таркибида азот мавжуд бўлган селитра деҳқонлар орасида оммалашган, чунки у сувда тез эрийди. Бироқ бу ўғитлар очиқ ҳавода жуда катта хавф туғдиради. Буни бартараф этиш учун кимёгарлар қатор йиллар давомида илмий иш олиб боришди ва хавфсиз ўғит турларини ишлаб чиқаришни йўлга қўйишди. Жамият бошқаруви раиси Б. Шарипов корхонада олиб борилган тадқиқодлар натижасида бентоселитра, кальций-аммиакли, кальций-магнийли селитра ўғити тақдим этилгани ва у синовдан муваффақиятли ўтганини таъкидлади.

Аммиакли селитра таркибига бентонит кукуни қўшилгани боис, ўғит гранулаларининг ғоваклилиги камаяди, чидамлилиги ошади, термопарчаланиш тезлиги камаяди. Натижада, қишлоқ хўжалиги маҳсулотларининг ҳосилдорлиги 10 фоизга ошиши, шунингдек, у тупроқ таркибидан ўсимликлар учун зарарли элементларни ютиши олимлар томонидан эътироф этилди.

Йиғилганлар бундай самарали ҳамкорликни келгусида бундан-да мустаҳкамлашга келишиб олишди.

Олим ЖАЛИЛОВ.