вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
28.09.2016 10:38:01
Бугун биз босиб ўтган шонли йўл тарих зарварақларида муҳрланиб қолади. Мустақилликнинг биринчи кунлариданоқ мамлакатимизнинг Биринчи Президенти Ислом Каримов дунё харитасида Ўзбекистон, деган гўзал диёр, ўзбек, деган буюк миллат борлигини кўрсатиб қўйди.
Давлатимиз раҳбарининг бундай жасорати, миллатпарварлиги, халқпарварлиги, тинчлик йўлида жонфидолиги бугун бутун жаҳон аҳли томонидан эътироф этилмоқда. Ўтган чорак асрда қўлга киритган ютуқларимиз, эгаллаган чўққиларимиз, қисқа вақт ичида асрларга татигулик улкан бунёдкорлик ишларини амалга оширганимиз ҳар бир соҳада ўз аксини топган. Булар Ислом Каримовнинг олиб борган адолатли ва доно сиёсати мевасидир. Шу кунларда миллатнинг Буюк фарзанди, давлатимизнинг Биринчи Президенти хотирасини ёд олиб, халқимизнинг озодлиги йўлида кўрсатган мардлиги, жасорати ва фидойилигини ёшлар онгига сингдириш мақсадида зиёлилар, эл суйган санъаткорлар, кино актёрлар, ёзувчи ва шоирлар ҳамда оммавий ахборот воситалари вакилларидан иборат тарғиботчилар гуруҳлари вилоятимизнинг энг чекка ҳудудларида ҳам учрашувлар ўтказди.
Учқудуқ қурилиш ва уй-жой коммунал касб-ҳунар коллежи, 7-умумий ўрта таълим мактаби ва "Учқудуқ" маданият саройида уюштирилган учрашувлар ҳам "Ким эдигу ким бўлдик, эртага қандай юксак марраларни эгаллашимиз керак?", деган эзгу ғоя остида ўтди.
Учрашувда иштирок этган ёшлар Муҳтарам Юртбошимизнинг миллий ва маънавий покланиш йўлида олиб борган сиёсати бой тарихимиз, қадриятларимиз ва анъаналаримизни қайта тикланиши ва бу билан фахрланишларини, муносиб авлод бўлиб етишишларини ғурур билан таъкидладилар.
— Мен бугун ишонч билан айта оламанки, миллий руҳда камол топаётган биз ёшлар келгусида миллатимиз Қаҳрамони бошлаб берган йўлдан дадил борамиз ва хайрли ишларни давом эттирамиз, — дейди Учқудуқ қурилиш ва уй-жой коммунал хўжалиги касб-ҳунар коллежи ўқувчиси Паризода Яндашева.
— Ўзбекистонимизнинг Биринчи Президенти Ислом Каримовнинг донолиги, мардлик ва жасоратини дунё аҳли эътироф этмоқда. У инсоннинг раҳнамолигида Ўзбекистонимиз ўзининг аниқ мақсадли ва тўғри йўлини танлади. Бу муқаддас заминда бугун биздек соғлом фикрли, бахтли, билимли ва кучли ёшлар улғаймоқда, — деди фахр-ифтихор билан 7-умумий ўрта таълим мактабининг 9-синф ўқувчиси Ирода Суннатова.
Ёшларимизни Ватан равнақи, эл фаровонлиги йўлида фаол ва фидойи бўлишга, танлаган йўлимиздан ортга қайтмасликка, турли ёт ғояларга берилмасдан, ташқи ёвуз кучларга муносиб зарба қайтаришга даъват этадиган тарғибот тадбирлари Зарафшон шаҳри, Томди туманидаги таълим муассасаларида ҳам кўтаринки кайфиятда ўтди.
Пойтахтимиздан ташриф буюрган санъаткорларнинг Ватанни мадҳ этувчи қўшиқларига вужудидан ғайрат, шижоат ёғилиб турган ёшлар жўр бўлдилар.
Исроил ХОЛБОЕВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а