вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
21.10.2016 17:18:50
Мустақилликнинг илк кунлариданоқ мамлакатимизда оила мустаҳкамлиги, она ва бола саломатлиги, фарзандлар тарбияси ва келажак авлод камолотига давлат сиёсати даражасида эътибор қаратилди. Айниқса, бундай хайрли ҳаракатларнинг оиладан, боғчадан, мактаб остонасидан бошланиши баркамол авлоднинг шаклланишига имкониятлар яратди. Бу эзгу мақсадларга йўналтирилган кўплаб меъёрий ҳужжатлар ва яқинда қабул қилинган "Ёшларга оид давлат сиёсати тўғрисида"ги Қонун ҳам фикримизнинг ёрқин исботидир.
Учқудуқ туман ХТМФМТТЭБга қарашли 1-сонли мактабгача таълим муассасасида ҳам амалга оширилаётган ислоҳотлар ўз самарасини бермоқда. Бугунги кунда саноатчиларнинг жажжи фарзандларига 79 нафар педагог-тарбиячи ғамхўрлик кўрсатиб келаётир. "Озод юртга ободлик ярашади" шиори бизнинг кундалик иш дастуримизга айланган. Ота-оналар кўмаги, корхона ва ташкилотлар ҳомийлигида кенг кўламдаги ободонлаштириш, кўкаламзорлаштириш ишлари амалга оширилиб, бино ва болалар майдончалари таъмирланди. Манзарали ва мевали дарахт кўчатлари ўтқазилиб, гулзорлар яратилди. 2013 йилда барча қулайликларга эга бўлган спорт зали қуриб, фойдаланишга топширилди. Ўтган йили эса, болалар ётоқхоналари юмшоқ ва қаттиқ мебеллар билан жиҳозланди. Спортнинг кўплаб турлари бўйича тўгараклар мунтазам ишлаб турибди. Чет тилини ўргатиш бўйича қўшимча машғулотлар йўлга қўйилган. Фарзандларимизнинг санъатга бўлган янги қирраларини кашф этиш учун мусиқа зали қайта таъмирланиб, зарур асбоблар билан таъминланди. Боғчада ташкил этилган "Бойчечак" рақс гуруҳи туман миқёсидаги барча тадбирларда фаол иштирок этиб келади.
Тарбияланувчиларнинг ҳар томонлама соғлом вояга етишлари учун уларнинг овқатланишларига эътибор қаратилмоқда. Витаминлар ва оқсилларга бой озиқ-овқат маҳсулотлари, сабзавот, мева ва табиий шарбатлар, шифобахш, хуштаъм фиточойлар уларнинг жисмонан бақувват, маънан соғлом улғайишларига ёрдам беради.
Албатта, таълим-тарбиянинг намунали йўлга қўйилишида Д. Камолова, И. Алдабергенова, Л. Фармонова, М. Хўрозова, М. Ражабова сингари педагог-тарбиячиларнинг хизмати катта. Уларнинг иш услублари туман, вилоят миқёсида оммалаштирилиб, ёш мутахассислар учун тажриба мактаби бўлиб хизмат қилади.
Нигора АМОНОВА,
1-сонли МТМ мудираси, Учқудуқ туман Кенгаши депутати.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а