вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
01.05.2017 15:01:06
2017 йил 10 апрелда Вазирлар Маҳкамасининг Ўзбекистон Республикаси ҳудудларида ишсиз фуқароларни касб-ҳунарга ўқитиш марказларини ташкил этиш чора-тадбирлари тўғрисидаги қарори қабул қилинди. Унга кўра, 2017-2020 йиллар давомида ишсиз фуқароларни профессионал қайта тайёрлаш ва касб-ҳунарга ўқитиш марказларини ташкил этиш меҳнат бозорида талаб юқори бўлган янги мутахассисликларга эга бўлиши учун тегишли шарт-шароитлар яратишни кўзда тутади.
Ташкил этилаётган янги ўқув марказлари давлат таълим муассасалари ҳисобланиб, улар Ўзбекистон Республикаси Меҳнат вазирлигига бўйсунади. Шунингдек, ишсиз фуқароларга 6 ой мобайнида энг кам иш ҳақи миқдорида стипендия тайинланади. Янги ўқув марказларида кўпи билан 1 йил давомида таълим олиш мумкин, энг узоқ стипендия олиб ўқиш даври 6 ойни ташкил этади.
Бу марказларда ташкилот ва муассасалар буюртмаларига қараб, пуллик, қисқа муддатли ўқув — тайёрлов курслари ҳам ташкил қилиниши назарда тутилган.
Қарорда таъкидланганидек, республика бўйлаб 2017-2020 йиллар даврида босқичма-босқич 11 та шундай марказ ташкил этилади. Улар Нукус, Андижон, Бухоро, Жиззах, Навоий, Наманган, Гулистон, Термиз, Қўқон, Тўйтепа ва Урганч шаҳарларида жойлашади.
Хусусан, Навоий шаҳрида ҳам 2019-2020 йилларда ишсиз фуқароларни касб-ҳунарга ўқитиш маркази ташкил этилиб, унда 240 нафар ўқувчига ахборот технологиялари, электр ва электроника, тери ошлаш, чарм-галантерея буюмларини ишлаб чиқариш ва таъмирлаш, гўшт-сут маҳсулотларини қайта ишлаш технологияси, махсус техникани бошқариш мутахассислари (экскаваторчилар, кранчилар ва бошқалар) бўйича касб-ҳунар ўргатилади.
Ишсиз фуқароларни касб-ҳунарга ўқитиш марказларида касб-ҳунарга қайта тайёрланганлиги ва малакасини оширганлиги тўғрисидаги диплом ҳамда қисқа муддатли курсларни ўтганлиги тўғрисида сертификатлар берилади.
Марказларни молиялаштириш манбалари — Бандликка кўмаклашиш давлат жамғармаси, донор мамлакатлар грантлари, халқаро молия ташкилотларининг имтиёзли кредитлари ҳамда Корея Республикаси ҳукумати гранти (Қўқон ва Урганч шаҳарларида) ҳисобланади.
Н. НОРМАТОВА.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а