вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

КАРМАНАДА КАНАЛ ВА АРИҚЛАР ТОЗАЛАНМОҚДА

24.03.2021 16:32:14

Шу кунларда Навоий вилоятидаги барча канал, ариқ ва сув иншоотларини тозалаш, таъмирлаш, суғориш мавсумига шай ҳолатга келтириш тадбирлари якунига етмоқда.

Кармана тумани ҳудудидан оқиб ўтувчи “Касаба Дўрман” каналининг 4 км қисмини механизмлар ёрдамида тозалаш ишлари олиб борилаяпти. Каналнинг узунлиги 14,5 км, сув ўтказиш қуввати 3 м³/с бўлиб, туманнинг “Ўзбекистон” ҳамда М.Ибрагимов ҳудудларидаги 3 минг 189 гектар майдонга сув етказиб беради.

- Ҳадемай суғориш мавсуми бошланади. Канал ва ариқларни тўлиқ тозалаб улгурсак, сув юриши яхшиланиб, оби ҳаёт ортиқча исроф бўлишининг олди олинади, - дейди Кармана тумани ирригация бўлими бошлиғи Зиёдулла Қаршиев.

Айни кунларда карманалик сувчилар сув иншоотлари атрофларини ободонлаштириш, кўчат экиш ишларини ҳам якунлаб, канал ва коллекторларнинг муҳофаза ҳудудларига қишлоқ хўжалик экинларини экишни бошлаб юборган.