вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
28.01.2015 10:40:04
Мамлакатимизда гипсокартон ишлаб чиқарувчи 14 та йирик корхонадан бири бўлган "Кармана гипс маҳсулотлари" МЧЖ Ўзбекистон-Канада қўшма корхонаси маҳсулотлари ички эҳтиёжни қондираётгани билан бирга Қозоғистон ва Туркманистонга ҳам экспорт қилинмоқда.
Айни пайтда 170 нафар ишчи-ходим меҳнат қилаётган корхонада 3 навбатда иш ташкил этилган бўлиб, кунига 70 тонна гипс, 2-2,5 минг дона гипсокартон ишлаб чиқарилаётир.
"Г-5" маркали гипс маҳсулотининг 50-80 фоизи, 5- 12 миллиметр қалинликдаги 8 хил гипсокартоннинг 30 фоизи ташқи бозорга йўналтирилаяпти. Ҳозирда корхона мутахассислари Тожикистон ва Туркманистонга ҳам маҳсулот етказиб бериш юзасидан келишувларни амалга оширишмоқда.
— Юртимизда ишлаб чиқарилаётган гипс маҳсулотлари жаҳонда ўзининг муносиб баҳосига эга, — дейди биз билан суҳбатда МЧЖ бош муҳандиси Хуршид Тўхтаев. — Биздаги гипс ўзининг оппоқ ранги билан Марказий Осиёнинг бошқа мамлакатларида ишлаб чиқарилаётган бу тур маҳсулотлардан ажралиб туради. Бунинг асосий сабаби эса қурилиш маҳсулотимизнинг таркибий қисми бўлган ўзимиздаги маҳаллий тоғ жинсларидек бебаҳо хомашё дунёнинг бошқа бурчагида учрамайди.
"Гип арт" бренди остида чиқаётган корхона маҳсулотларини бугун барча вилоятлар бозорларидан топиш мумкин. Айтиш жоизки, маҳсулотнинг харидорлиги нафақат ноёб хомашё ва чет эл технологиясига, балки меҳнат жамоасида ўтган 8 йил давомида шаклланган иш тажрибасига ҳам боғлиқ. Корхонага йилдан-йилга янги ёш кадрларнинг келаётгани ҳам иш сифатининг янада яхшиланишида ўзига хос омил бўлаяпти. Ёш кадрлардан бири бўлган Фарҳод Абдураимов ўтган йили Навоий давлат кончилик институтини тамомлаб, ушбу корхонада иш бошлаган эди. Ҳозирда гипсокартон цехи бошлиғи бўлган бу йигит зиммасидаги вазифани масъулият билан оқлаб келмоқда.
— Оддийгина тош тайёр маҳсулот бўлгунча бир нечта босқичдан ўтади, — дейди бизни ишлаб чиқариш жараёнлари билан таништирар экан, яна бир ёш ходим, смена устаси Азизжон Темиров. — Биринчи, иккинчи майдаланишдан сўнг хомашё майинлаш бункерига ўтади. Сўнгра 140-180 градус иссиқликда термик ишлов берилганидан сўнг тайёр гипс тиндирилади, яъни совитилади ва қопланади ёки гипсокартон цехига жўнатилади. Ходимларимиз назорати остидаги ҳар бир жараён алоҳида эътибор талаб этади.
Корхонада шу билан бирга, кўп йиллик тажрибага эга бўлган компонентларни меъёрловчи оператор Ўктам Жабборов, гипс таъминловчи оператор Севдиёр Эгамовлар янги ходимларга устозлик ҳам қилиб келишмоқда. Ишлаб чиқаришда корхонадаги мавжуд 4 та "HOWO" русумли ва бошқа юк машиналари, 2 та автокран алоҳида аҳамиятга эга. МЧЖ ташкил топганидан буён юк машинаси ҳайдовчиси лавозимида ишлаб келаётганҚаҳрамон Очилов билан суҳбатлашар эканмиз, у ишчилар учун яратилган қулайликлар хусусида гапириб ўтди. Қаҳрамон аканинг айтишича, ишчилар бепул иссиқ овқат, зарур кийим-бош билан таъминланар экан. Бундан ташқари, уларнинг бориб-келишлари учун автобус қатнови ҳам йўлга қўйилган. 2015 йилда МЧЖ улкан мақсадларни кўзлаган. Корхона мутасаддилари жорий йилда Хитойдан янги технология келтириб, гипс ишлаб чиқаришни кенгайтириш ҳаракатида. Янги қувватлар ишга тушгач, 40-50 нафар ишчи ўрни ҳам яратилади.
Албатта, юртимизда тадбиркорлик учун яратиб берилаётган кенг имкониятлар ва шу билан бирга, ноёб маҳаллий хомашёлардан унумли фойдаланиб, ишлаб чиқаришни жадал йўлга қўйган бу каби корхоналарни келажакда юксак истиқболлар кутмоқда.
Озод МУСТАФОЕВ.
Сурат муаллифи Жумамурот МИРЗАЕВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а