вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Кам фоизли кредитлар — ишбилармонлик муҳитини яхшилаш гарови

23.02.2017 11:42:37

Аҳоли қатламини тадбиркорликка кенг жалб қилиш бугунги кунда юртимиз сиёсатининг устувор вазифаларидан бирига айланди. Албатта, чуқур ўйлаб амалга оширилаётган бу оқилона тадбир ишсизлик масаласининг ижобий ечим топиши ҳамда аҳоли турмуш даражаси юксалишида муҳим саналади.

Айни пайтда тижорат банклари томонидан кредит маблағларига бўлган эҳтиёж ўрганилиб, аҳолининг ишсиз қатламига кам фоизли кредитлар ажратиш ишлари олиб борилаяпти. Вилоятимиздаги мавжуд банкларнинг тегишли ҳудудларга бириктирилгани, бу борадаги ишларни самарали ташкил этишда қўл келмоқда.

"Микрокредитбанк" АТБ Кармана филиали томонидан айни шу мақсадда фуқароларга бугунга қадар жами 500 миллион сўмдан ортиқ кредит маблағлари ажратилди. Шуни айтиш мумкинки, аҳоли томонидан чорвачилик, паррандачилик, иссиқхона йўналишларида тадбиркорлик фаолияти юритишга талаб катта.

— Мен ўз томорқамда иссиқхона барпо этмоқчиман, — дейди биз билан суҳбатда фуқаро Х. Очилов. — Шу мақсадда кредит олмоқчиман. Бугунги кунда керакли ҳужжатларни тайёрлаб, банкка тақдим этдим. Кредит олишим билан ишларни бошлаб юбораман. Юртимизда аҳолини тадбиркорликка йўналтириш борасида яратиб берилаётган имтиёзлар, албатта фуқароларимизда катта қизиқиш уйғотмоқда.

ТИФ "Миллий банк" вилоят бўлими ва филиаллари томонидан эса оддий аҳолини тадбиркорликка жалб қилиш учун амалга оширилган тарғибот ишлари натижасида жами 2,1 миллиард сўмдан ортиқ имтиёзли кредитлар ажратилди. Бугунга қадар 300 нафардан ортиқ фуқаро ҳамда тадбиркорлик субъектлари 9 фоизли, 3 йил муддатга берилаётган бундай кредитларни олишга улгурган.

Айтиш керакки, айни пайтда юртимизда ишбилармонлик муҳитининг яхшиланаётгани тадбиркорликка қизиқувчилар сонини кўпайтирмоқда. Бу борада банкларнинг кўмаги эса ҳар жиҳатдан фуқароларимизга қўл келаётир.

Озод МУСТАФОЕВ.