Ўтган давр мобайнида мамлакатимизда коммунал хизматлар соҳасида кенг кўламли ислоҳотлар амалга оширилди. Ўзбекистон Республикаси Президентининг 2017 йил 18 апрелдаги "Уй-жой коммунал хизмат кўрсатиш тизимини бошқаришни янада такомиллаштириш чора-тадбирлари тўғрисида"ги Фармони ҳамда 24 апрелдаги "2017-2021 йилларда кўп хонадонли уй-жой фондини сақлаш ва ундан фойдаланиш тизимини янада такомиллаштириш чора-тадбирлари тўғрисида"ги қарорини эса соҳа тараққиётида ўз вақтида қўйилган навбатдаги қадам, дея эътироф этиш мумкин.

Бугунги кунда Навоий шаҳрида 14 та хусусий уй-жой мулкдорла­ри ширкати 5 мингдан ортиқ кўп хонадонли уйларга хизмат кўрса­тиб келмоқда. Марказлаштирил­ган давлат капитал қўйилмала­ри­ни йўналтириш ва халқаро молия ташкилотларининг хорижий ин­вес­тициялари орқали сув, иссиқ­лик таъминоти, канализация тизим­ларини ривожлантириш ва модернизация қилиш ишлари амалга оширилаяпти.

Фармонда белгиланганидек, Ўзбекистон Республикаси Уй-жой коммунал хизмат кўрсатиш вазир­лиги ва унинг жойлардаги орган­ла­ри ташкил этилди. Уй-жой ком­мунал хизмат кўрсатиш соҳасида ягона давлат сиёсати юритиш ва идоралараро мувофиқлаштириш­ни амалга ошириш, уй-жой мулк­дорлари ширкатлари фаолияти­ни мувофиқлаштириш, уй-жой ком­мунал хизмат кўрсатиш тизи­ми­га ресурс ва энергия тежайди­ган технология ҳамда ускуналарни жорий этиш, жумладан, замона­вий ҳисобга олиш —ўлчаш ус­куналари билан таъминлаш каби ҳамда бошқалар уларнинг асосий вазифалари этиб белгиланди.

Бундан ташқари, Фармон мулк­дор­ларга сифатли ва кафолатли коммунал хизматларни кўрсатиш, хизмат кўрсатиш ва муҳандислик инфратузилма объектларини бош­қариш ҳамда улардан фойда­ланиш борасида самарали ҳам­корлик қилиш мақсадида зарур таркибий ўзгаришларни амалга ошириш, арзон уй-жойлар қуриш, кўп хонадонли уйларни реконст­рукция қилиш, сув, канализация ва иссиқлик таъминоти объектла­ри­ни барпо этиш ҳамда реконс­т­рукция қилиш соҳасида мақсадли давлат дастурларини амалга оши­­риш учун маблағларни ишонч­ли йўналтиришни таъмин­лай­диган комплекс тад­бир­лар кў­риш, кўп хонадонли уй­ларни сақ­лаш ва улардан фойда­ла­ниш қои­даларига риоя этили­ши­ни назо­рат қилиш, бошқарувга замонавий ахборот-коммуникация техноло­гияларини жорий этиш имконини беради.

Хулоса қилиб айтганда, қабул қи­линган Фармон ва қарор иж­росини таъминлаш жараёнида мам­лакатимиз аҳолисининг си­фатли уй-жой коммунал хизмат­ла­ри билан қамраб олиниши туб­дан яхшиланади, ташкилотлар­нинг ўзаро ҳамкорлиги уйғунлаш­ган технологик занжири шакллан­тирилади, бунинг асосида уй-жой фондидан фойдаланиш тизими янада такомиллаштирилади, тех­ник назоратнинг самарали тизи­ми яратилади, шунингдек, хусу­сий уй-жой мулкдорлари ширкат­ларининг иш сифати оширилади ва молиявий-иқтисодий барқа­рор­лиги таъминланади.

Темур АЧИЛОВ,

Навоий шаҳар "Нурчилар" хусусий уй-жой мулкдорлари ширкати раиси.

Манбаа: dustlikbayrogi.uz