вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
19.05.2017 10:53:11
Мадина хола мактабда инглиз тили фани ўқитувчиси бўлганлиги учун телевизорда шу тилда бериладиган дастурларни тўлиқ тушуниб, мулоҳаза юрита олади, невараларининг бу фандан қийналган вазифаларига ёрдамлашади.
Бир кун холанинг 3-синфда ўқийдиган невараси Малика инглиз тилидан уйга вазифасини қила туриб, болалиги тутди-да, оилаларида ўзини бу тил бўйича "энг билимдон санайдиган" бувисини "синовдан" ўтказмоқчи бўлди. Инглиз тилида шунақанги мураккаб саволларни бердики, бувиси жавоб беролмай қолди.
Ҳа, юқоридаги каби ҳолатларга бугунги кунда тез-тез дуч келамиз. Бу ёш авлоднинг чет тилларини пухта ўзлаштираётганлиги самарасидир. Бунда эса ихтисослаштирилган мактабларнинг алоҳида ўрни бор.
Зарафшон шаҳридаги 1-давлат ихтисослаштирилган умумий ўрта таълим мактаби вилоят, республикада энг илғор мактаблар қаторида ўзининг муносиб ўрни ва нуфузига эга. Аввало шуни айтиш керакки, мактаб ўқитувчилари Халқ таълими вазирлигининг рухсати билан ЮНЕСКО томонидан эълон қилинган кўрик-танловларда фаол иштирок этиб келмоқда. Жумладан, Италияда ўтказилган "Мондиолого" кўрик-танловида мактабнинг инглиз тили фани ўқитувчиси, фаол ўқувчиси қатнашиб, ғолиб деб топилган ва Италиянинг Рим шаҳрида ўтган Халқаро Симпозиумда иштирок этиш бахтига муяссар бўлган.
"Атрофдаги муҳит тармоқда" кўрик-танловида ҳам ғолиб бўлишди. Натижада муассаса вакиллари Финляндиянинг Йонсеу шаҳрида 25 мамлакат иштирок этган Халқаро конференциядан "Экологик муаммоларни ечишда энг фаол мактаб" медали билан қайтишди.
— Бугунги кунда республикамиздаги кўпгина умумий ўрта таълим муассасаси ЮНЕСКОнинг Бирлашган мактаблар дастури (БМД)га аъзо ҳисобланади, — дейди мактаб директори, "Халқ таълими аълочиси", олий тоифали педагог Дилбар Тўхтаева. — 2009 йилда ЮНЕСКО БМДга аъзо мактаблар ўртасида ўтказилган Халқаро инновацион лойиҳалар танловида ¤збекистондан 2 та мактаб ғолиб деб топилди ва уларга тегишли мукофотлар ажратилди. Ана шу таълим муассасаларидан биттаси бизнинг Зарафшон шаҳридаги 1-ДИУ мактабидир.
Мактабнинг қисқа муддат ичида республика миқёсида танилишида, бир қанча ютуқларга эришишида таълим муассасасида ишнинг тизимли йўлга қўйилганлиги ва жамоада соғлом муҳит, соғлом рақобат яратилганлигидир.
Зебо ҚУТЛИЕВА.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а