вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Юксак ғалабалар янги марраларга чорлайди

26.08.2017 15:13:36

Яқинда Буюк Британиянинг Лондон шаҳрида енгил атлетика бўйича паралимпиячилар ўртасида ўтказилган жаҳон чемпионатида спортчиларимиз муваффақиятли қатнашиб, учта олтин ва тўртта кумуш медални қўлга киритишди.

Ғолиблар орасида тажрибали спортчи, карманалик атлет Ҳусниддин Норбековнинг борлиги биз учун фахр. Паралимпиячимиз мазкур мусобақада диск отиш баҳсларида олтин, ядро улоқтиришда эса кумуш медални қўлга киритди.

Лондондан зафар қучиб қайтган вилоятдошимиз ҳамда унинг мураббийи И. Шишковларни вилоят ҳокимлигида тантанали табриклаш маросими бўлиб ўтди. Унда мутасадди ташкилотлар вакиллари, спортчи ёшлар иштирок этди. Вилоят ҳокими К. Турсунов, НКМК давлат корхонаси бош директори Қ. Санақулов барчани ушбу ғалаба билан қутларкан, мазкур ютуқ энг улуғ, энг азиз байрам — яқинлашиб келаётган Мустақиллик айёмига муносиб туҳфа эканлигини таъкидлаб ўтишди. Шунингдек, тадбирда Ўзбекистон Республикаси Президенти томонидан яқинда қабул қилинган "Нуфузли халқаро спорт мусобақаларида юксак натижаларга эришган Ўзбекистон спортчиларини жамоат ва спорт ишларига кенг жалб этиш ҳамда спортчиларни ва уларнинг тренерларини рағбатлантириш тўғрисида"ги қарори хусусида сўз борди.

Якунда тадбир қаҳрамонларига қимматбаҳо совғалар ва ташаккурномалар тақдим этилди.

Озод МУСТАФОЕВ.

Сурат муаллифи Сирож АСЛОНОВ.

Манбаа: dustlikbayrogi.uz