вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
25.05.2017 16:22:01
Бугунги ёшларнинг ҳар томонлама баркамол, фаол бўлиб улғайишида ўтказилаётган танловларнинг ўрни беқиёс. "Камолот" ёшлар ижтимоий ҳаракатининг умумий ўрта таълим мактабларидаги бошланғич ташкилотлари сардорлари ўртасидаги "Йил сардори" ҳам изланувчан ва истеъдодли авлодлар сафини йилдан-йилга кенгайтириб келмоқда.
Ҳаракатнинг таълим муассасаларидаги бошланғич ташкилотлари фаолияти самарадорлиги, ўзаро дўстлашуви, тажриба алмашинуви орқали уларнинг ижтимоий фаоллигини ошириш мақсадида ташкил этилган мазкур танловнинг жорий йилги вилоят босқичи Навоий шаҳридаги "Ёшлар маркази"да ўтказилди. Унда дастлаб умумий ўрта таълим мактабларининг саралаш баҳсларида ғолибликни қўлга киритган, 10-14 ёшгача бўлган "Камалак" сардорлари иштирок этишди.
Танловнинг "Мен — сардорман!" деб номланган биринчи шартида иштирокчилар ўзлари таҳсил олаётган таълим муассасаси, "Камалак" болалар ташкилоти ва ўзининг сардорлик фаолиятини бадиий чиқиш орқали таништиришди. Унда иштирокчиларнинг видео ва кўргазмали воситалардан қанчалик фойдаланишганига алоҳида эътибор берилди.
"Истеъдод" шартида эса сардорларнинг чинакам иқтидори намоён бўлди. Бутун зал уларнинг маҳоратига қойил қолиб, олқишлаб туришди.
— Танлов давомида сардорда яна қандай хислатлар бўлиши кераклигини билиб олдим, — дейди қизилтепалик иштирокчи Лобар Фаттоҳова. — Мен учун танловда ғолиб бўлишдан кўра, ундан ўзим учун қўшимча нимадир олганим муҳим. Буларнинг барчаси учун устозларим Ибодат Рўзиева ва Замира Амоновалардан миннатдорман.
"Интеллектуал ринг"да қатнашчилар ҳакамларнинг ижтимоий, иқтисодий, сиёсий, ҳуқуқий, маънавий, маърифий ва сардорлик фаолиятига оид саволларига жавоб беришди. Ўғил-қизларнинг билимдонлик, зукколик даражаси ва эслаб қолиш қобилиятлари мазкур шартда яққол кўринди.
"Ташаббус"да эса ҳар бир сардор ўзи фаолият юритаётган йўналишда амалга оширишни режалаштирган самарали иши, лойиҳасини тақдим қилди. Ҳакамлар эса мавзунинг очиб берганлиги, лойиҳанинг долзарблиги, ўзига хослиги, янгилиги, мактабда олинган билимларнинг акс эттирилишига қараб, баҳолаб боришди.
Натижаларга кўра, 1-ўрин Навоий шаҳри иштирокчиси, 16-ДИУМ ўқувчиси Лола Шамсиддиновага насиб этди. Учқудуқ тумани иштирокчиси 2-, Навбаҳор ва қизилтепалик сардорлар эса 3-ўринни эгаллашди.
14 ёшдан юқори бўлган "Камолот" сардорлари йўналишида эса 1-ўринга Нурота тумани иштирокчиси, тумандаги 3-умумий ўрта таълим мактаби ўқувчиси Динора Асатова лойиқ кўрилди. 2-ўринга Навоий шаҳри, 3-ўринга Навбаҳор тумани сардорлари муносиб, деб топилди.
Fолиблар фахрий ёрлиқ ва эсдалик совғалари билан тақдирланишди.
Зебо ҚУТЛИЕВА.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а