вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
07.08.2017 17:45:00
Айни пайтда янги иш ўринлари яратиш, аҳолини иш билан таъминлаш масаласидаги ҳар бир ташаббусларда бугунги давр энг илғор кишиларининг янгича дунёқараши ҳам ўз аксини топмоқда.
Тобора кўркамлашиб бораётган вилоятимиз ҳудудларига замонавий технология ёки бирор иш тажрибасини олиб кириб, ишлаб чиқаришнинг йўлга қўйилаётганига одамларимиз тафаккуридаги юксалиш, деб ҳам баҳо беришимиз мумкин.
Зарафшон шаҳрида бу борада олиб борилаётган ишлар ҳам алоҳида эътирофга лойиқ. "Зарафшон овози" МЧЖ томонидан яқиндагина Жанубий Корея давлатидан кўтарма кран, бетон қориш, шлакоблок ишлаб чиқариш агрегатлари келтирилди. 1 миллиард сўмдан ортиқ маблағ сарфланган мазкур ишлар натижасида ишламай турган объект ўрнига қурилиш материаллари ишлаб чиқарадиган завод фаолияти йўлга қўйилди.
— 1 ойдан буён тажриба-синов тариқасида темир-бетон маҳсулотлари ишлаб чиқараяпмиз, — дейди биз билан суҳбатда участка бошлиғи Шавкат Юсупов. — Ҳозирда 10 нафар ходим ишлаяпти. Тез орада тўлиқ қувватда иш бошласак, 60 киши иш билан таъминланади. Кунига 500 дона шлакоблок, 60 дона ФС блок, 30 дона плита ишлаб чиқариш қувватига эга. Ҳозирда маҳсулотларимизни шаҳримиздаги қурилиш объектларига буюртма асосида етказиб бераяпмиз.
Корхона мутасаддиси бизни келгусида амалга ошириладиган ишлар билан таништирар экан, завод ҳудудидаги таъмирталаб ҳолатдаги бинолар ўрнига ишчилар учун ошхона, ётоқхона, офис бинолари қурилиши режалаштирилганлигини таъкидлаб ўтди.
"Орианна ярнс текстил" Ўзбекистон-Туркия қўшма корхонасининг Зарафшон шаҳрида фаолият юритаётганига 1,5 йилдан ошди. Акрил толали ип ишлаб чиқаришга ихтисослашган мазкур субъектда ойига 54 тонна калава ип тайёрланади. 150 нафардан ортиқ ишчи-ходим фаолият юритаётган корхонанинг аксарияти ёш мутахассислар — коллеж битирувчилари. Корхона хомашёси Туркия давлатидан келтирилаётган бўлса, тайёр маҳсулот асосан ички бозорга сотилмоқда.
— Келгусида жемпер ишлаб чиқаришни йўлга қўймоқчимиз, — дейди МЧЖ раҳбари Баҳодир Тўлаганов. — Бунинг учун 600-800 минг долларлик хориж технологиясини келтирамиз. Қўшимча иш ўринлари яратилади. Лойиҳани амалга ошириш учун банкдан кредит олишни режалаштирганмиз. Йил якунига қадар бу борадаги ишлар ниҳоясига етказилиши белгиланган.
Корхонадаги иш жараёнларини кўздан кечирарканмиз, ип йигирув машиналарини маҳорат билан бошқараётган ишчилар билан суҳбатда бўлдик.
— Бухоро муҳандислик технология институтини битириб, шу ерда фаолиятимни бошлаганман, — дейди лаборант Нодира Меҳмонова. — Аввалига ишлаб чиқариш жараёнини пухта ўрганиб олдик, институтда олган билимларим амалиёт жараёнида асқотди. Кейинчалик дастгоҳларни бошқаришни 20 нафардан ортиқ янги ходимга ҳам ўргатдим. Корхонамизда ишчиларга бепул тушлик ҳамда уларнинг келиб-кетишлари учун автобус қатнови йўлга қўйилганлиги барчани хушнуд этмоқда.
"Қизилқум текстил" МЧЖнинг шаҳардаги бўш ётган бино ўрнида ишлаб чиқаришни ташкил этганига ҳам 1 йил тўлди. Полипропилен қоплар ишлаб чиқаришга ихтисослашган мазкур корхонада ҳозирда 35 нафар ишчи меҳнат қилмоқда. Ҳар ойда 400 минг дона маҳсулот ишлаб чиқараётган субъект товарлари асосан Қозоғистон давлатига экспорт қилинмоқда. Ушбу корхона ҳам янги лойиҳалар устида иш олиб бормоқда. Яқинда МЧЖ негизида целлофан пакет ишлаб чиқариш йўлга қўйилди. Бу ҳам корхона тараққиётида бугунги кунда ўзига хос муҳим омил бўлмоқда. Айниқса, эндиликда шаҳардаги савдо шохобчаларида целлофан пакетларга бўлган талаб маҳаллий арзон ҳамда сифатли маҳсулот эвазига қондирилаётгани ҳам муҳим аҳамиятга эга.
Умуман олганда, Зарафшон шаҳридаги йирик кичик бизнес субъектларида олиб борилаётган ҳар бир лойиҳалар нафақат бозор талаблари асосида амалга оширилмоқда, балки бунда тадбиркорларимизнинг янгича дунёқараши ҳам намоён бўлаяпти. Албатта, имконият бор жойда изланиш бўлади. Юртимизда ишбилармонлар учун яратиб берилаётган шарт-шароитлар ана шундай самарани туҳфа этмоқда.
О. ШУКУРОВ.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а