вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Янги гимнастика мактаби иш бошлади

09.09.2014 16:11:07

Кармана туманида гимнастика турларига ихтисослашган вилоят болалар ва ўсмирлар спорт мактабининг замонавий гимнастика зали ёш спортчилар ихтиёрига топширилди.

Юртбошимиз раҳнамолигида болалар спортини ривожлантириш, улғайиб келаётган ёш авлодни жисмонан соғлом этиб тарбиялашга алоҳида аҳамият қаратилмоқда. Айниқса, сўнгги йилларда спортнинг гимнастика тури ёшлар ўртасида тобора оммалашиб бормоқда. Пировардида, замонавий ва қулай спорт иншоотлари барпо этиш кўлами ҳам кенгаймоқда.

— 308 миллион сўм маблағ эвазига тубдан реконструкция қилинган спорт иншооти карманалик ёш спортчиларга кенг имкониятлар яратди, — дейди Ўзбекистон Гимнастика федерацияси Навоий вилояти бўлими ижрочи директори Шаҳло Нарзиева. — 120 нафар боланинг машғулотлар ўташи учун мўлжалланган масканда барча шароитлар яратилди. Иситиш тизими ва канализация тармоқлари мукаммал таъмирланди. Тиббиёт хонаси доимий шай ҳолатга келтирилди.

Эндиликда спорт муассасасида аёллар спортини ривожлантириш мақсадида фитнес клуб ва аэробика тўгараклари ташкил этиш режалаштирилмоқда. Малакали мураббийлар машғулотларни юқори савияда ташкил этишга алоҳида аҳамият қаратмоқда.